Home > Comunicaos > SUATEA denuncia otra chapuza de la conseyería d’educación

SUATEA denuncia otra chapuza de la conseyería d’educación

Féxose la convocatoria y adxudicación del serviciu d’intérpretes de Llingua de Signos pal alumnáu sordu en centros sosteníos con fondos públicos.

SUATEA denuncia qu’otra vuelta la Conseyería d’Educación fai un ataque non solo contra los derechos del alumnáu sordu sinón tamién contra los derechos de los y les trabayadores d’esti colectivu:

No que toca al alumnáu:

– nun asegura l’accesu a tol currículu pa tol alumnáu con discapacidá auditiva.

– blinda la posibilidad de cubrir les posibles nueves necesidaes que podian apaecer nel periodu de vixencia de la llicitación, si estes perpasen el porcentax de diferencia afitáu nos pliegos del contratu.

– el númberu tan axustáu de trabayadores fai que la Conseyería condicione l’adxudicación d’intérprete a los/es usuarios/es a cuestiones ayenes a les sos necesidaes reales.

– el baille d’empreses nun asegura al alumnáu la continuidá de la persona que fexo’l so llabor d’intérprete tiempu atrás. Esto inevitablemente redundará nos resultaos académicos del alumnáu dao que nun sólo deberá superar les sos barreres auditives sinón qu’habrá d’afayase a la nueva persona que faga’l llabor d’interpretación.

No que toca a les/os trabayadores:

– l’actual modalidá de contratación precariza al colectivu d’ILSES dao que la dotación económica por hora de trabayu ye la mesma que l’otru añu y va mantenese igual per 4 años más.

– les ufiertes de les empreses contemplen 150 hores de serviciu ensin cargu pa la Conseyería. Esto significa que’l colectivu d’ILSES var tovía más retayaes los sos ruinos xornales.

– xunta la precariedá llaboral y retributiva les persones que faen el serviciu tolos años han de pasar pela inseguridá de si van tener un contratu de trabayu o non pal próximu cursu y lo que ye pior nesti momentu puen enfrentase a 4 años de paru.

Toa esta recatafila d’estorbises vien de la xestión d’una Conseyería d’Educación qu’exerce un supuestu partíu d’esquierda que diz lluchar pola calidá del enseñu y los derechos de los/es trabayadores. Dende SUATEA encamentamos a la Conseyería, otra vuelta, a modificar un sistema de contratación que fai medrar la esternalización de servicios básicos.

SUATEA desixe a la Conseyería la integración d’estos profesionales nuna bolsa de personal llaboral qu’ayudaría non solo a la rápida atención de toles necesidaes detectaes, sinón que meyoraría la calidá del enseñu y l’accesu al currículu del alumnáu con discapacidá auditiva y nun implicaría la precarización llaboral del colectivu de trabayadores d’Intérpretes de Llingua de Signos. Si otres comunidaes autónomes yá xestionen el serviciu d’ILSES mediante bolsa de trabayu, preguntámonos ¿Por qué n’Asturies esto nun ye posible?.

El Secretariáu de SUATEA

Uviéu, 5 d’agostu de 2014

 

 

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344