Home > Aición sindical > SUATEA contra’l retrocesu de la Escuela inclusiva

SUATEA contra’l retrocesu de la Escuela inclusiva

Nun cursu especialmente complicáu, dende SUATEA queremos denunciar que l’atención al alumnáu más vulnerable ta sufriendo non unu, sinón dellos retayos qu’atenten directamente contra’l principiu de equidad y que comprometen la Escuela Pública en cuantes que garante de los derechos fundamentales del alumnáu, porque a estes altures la educación o ye inclusiva, o ye inxusta.

Dende la ratificación per parte d’España de la Convención de Nueva York nel añu 2007, pasando pol artículu 71 de la LOMCE – “correspuende a les Alministraciones educatives asegurar los recursos necesarios por que los alumnos y alumnes que rican una atención educativa distinta a la ordinaria, por presentar necesidaes educatives especiales, por dificultaes específiques d’aprendizaxe, TDAH, poles sos altes capacidaes intelectuales, por incorporase tarde al  sistema educativu, o por condiciones personales o d’hestoria escolar, puedan algamar el máximu desenvolvimientu posible de les sos capacidaes personales y, sía que non, los oxetivos establecíos con calter xeneral para tol alumnáu.”-  hasta llegar al Oxetivu 4 de l’Axenda 2030 para’l Desenvolvimientu Sostenible, de la que tanto presumen los nuesos representantes políticos, y que consiste en garantizar una educación inclusiva y equitativa calidable -“en particular, los neños y neñes con discapacidá riquen y precisen un sofitu técnicu, material y humanu garantizáu que sía efectivu, porque se detecta que la falta de sofitu redunda negativamente na so actividá diaria na aula y nes actividaes extraescolares y na convivencia, más allá del estudiu, según nes situaciones d’acoso escolar que, ensin dulda, hai que erradicar”, podemos constatar que, efectivamente, hubo xuna ellaboración de normes inclusives.

Y, sicasí, como tantos otros grandes principios, la inclusión real sigue siendo un derechu inalcanzable que se foi tracamundiando, na so puesta en práctica, hasta quedar casi vacíu.

Asina,  n’Asturies, onde  vieron la lluz proyectos  almirables  -como la modalidá d’escolarización combinada o les aules abiertes- escurríos y puestos en marcha gracies al esfuerzu y la voluntariedá del profesoráu so la conseña de “costu cero”, asistimos agora al retrocesu de les incipientes práctiques inclusives cola crisis sanitaria como telón de fondu, que nun fixo sinón agravar los problemes estructurales presistentes. Y tou ello, a pesar de que la Conseyería d’Educación cunta con un Serviciu de Equidad que, suponse, tien de velar pola igualdá d’oportunidaes.

Faigamos un percorríu temporal al traviés d’esti esmantelamientu:

1.   El primer retayu producióse’l pasáu mes de mayu y pasó prácticamente desapercibíu para la comunidá educativa. Ye nesi momentu cuando se publicar les instrucciones para los Servicios Especializaos d’Orientación Educativa y sume la potestá de les Unidaes d’Orientación de cada centru para ellaborar el dictame d’escolarización a la que detéctase la necesidá del alumnáu. Lo que mientres un curtiu lapsus de dos años, dexó ufiertar  los recursos de sofitu de manera inmediata.  Arriendes d’ello,    reculamos  al procedimientu anterior  que supon la demoranza na dotación necesaria hasta’l cursu siguiente.

2.   El segundu retayu constatar nel mes de xunetu, cuando s’esanicia la convocatoria al traviés de la cual los centros podíen solicitar un aumentu de la plantiya de Pedagoxía Terapéutica y Audición y Llinguaxe argumentando la concesión de sofitu intensivu para dalgún alumnu o dalguna alumna.

El sofitu intensivu ye un recursu escepcional, y al empar imprescindible, para l’alumnáu que rique atención individual de PT y/o AL, dientro o fora de l’aula, hasta un máximu de 10

hores per selmana. Con éses, en concediendo estos sofitos, ya informar d’ello a les families, facer sumir d’un refundiu. Ye agora, nestos díes d’entamu de cursu, cuando eses families tán enterándose, al traviés de los centros educativos, de que los sos fíos y fíes yá nun disponen de sofitu intensivu.

3.   El tercer retayu llega, tamién, a finales d’ese mesmu mes, col Resolvimientu de 30 de xunetu, pola que se dispon la continuación presencial de les clases. Concretamente, al traviés del Artículu 9.5 d’Atención  a la Diversidá que dispon, ente otres, les siguientes midíes:

a.   Docencia compartida, col encamientu de que sía’l tutor o la tutora de Primaria quien empreste l’atención individualizada al alumnáu con necesidá específica de sofitu educativu. Polo que yá s’albidra lo que más palantre vamos constatar: qu’esti alumnáu, que puede presentar trestornu d’aprendizaxe na llectura, la escritura y el cálculu, TDAH, etc. nun va disponer d’atención especializada de PT o AL.
b.   L’atención educativa al alumnáu con necesidaes educatives especiales va realizase dientro de l’aula […] como midida d’inclusión. Primer tracamundiu: “siempres dientro de l’aula” non siempres equival a “inclusión”.
c.   Les intervenciones individuales o específiques van realizar en sesiones de 15 a 20 minutos dientro de l’aula (habilitando, na midida de lo posible, rincones na aula) previa coordinación cola tutoría  con cuenta d’evitar interferencies ente dambos profesionales. Segundu tracamundiu: un rincón de l’aula evitando posibles interferencies nun ye inclusión. Tercer tracamundiu: sesiones de 15 a 20 minutos de duración, nun dexen un sofitu especializáu calidable.

Esta última midida resulta especialmente demencial, non solo pola insuficiencia horaria pa l’atención a cada alumnu y alumna, o la imposibilidá de coordinase col restu de docentes implicaes pa programar cada sesión de manera conxunta y satisfactoria, si non pola repercusión sanitaria: l’ausencia d’equipos y midíes de protección fayadizos convierte a PT y AL en vectores d’espardimientu y diseminación, en casu d’esistir un biltu, por tol centru y, inclusive, per dellos centros si la plaza ye itinerante.

4.   El  cuartu retayu supon, enagora,   la culminación  d’esta llarga llista de despropósitos    perpetaos contra la inclusión y la equidad educatives. Apaez el 10 de setiembre, cuando se publicar la Circular d’entamu de cursu. Nella figuren, per primer vegada nun testu escritu, les instrucciones pa ellaborar los horarios de PT y AL, ratificando les midíes anteriores y añediendo otres que siguen na llínea d’atentar contra la educación inclusiva, sinón tamién contra les  condiciones llaborales del profesoráu.

Tamos refiriendo a les yá de por sí curties plantiyes orgániques de los centros no qu’a puestos de PT y A EL refierse, y a les qu’agora s’imponen nueves restricciones pa poder solicitar un aumentu d’esti tipu de profesionales. Diches restricciones llinden a 1 hora selmanal l’atención d’A EL pa cada alumnu o alumna con necesidaes educatives especiales, siempres y cuando el númberu de acnees sía inferior al númberu d’unidaes del centru. Sicasí, cuando l’alumnáu con nee supere’l númberu d’unidaes del centru, va multiplicase cada unidá por 1h 30.

Llegaos a esti puntu, resulta imprescindible destacar dos coses:

a.   La primera ye que namá se tendrá en cuenta al alumnáu con necesidaes educatives especiales. Sumen oficialmente los sofitos pal alumnáu con necesidá específica de sofitu educativu, tal que alvertimos enantes.
b.   La segunda ye la variación del coeficiente multiplicador -nel primer casu ye’l númberu d’alumnos y alumnes con nee; nel segundu ye’l númberu d’unidaes del centru-. De tala manera que, por muncho qu’aumente’l númberu d’alumnáu con nee, mientres nun s’amplíen les unidaes del centru, les hores asignaes pa dar sofitu, nun van aumentar.

Poro, el profesoráu, d’AL en  esti casu porque para PT les cifres son distintes, que trabaya nun centru de 15 unidaes dispondría del mesmu númberu d’hores lectives – un total de 22,5-  p’atender a 16 alumnos y alumnes o a 20, o inclusive hasta 30. Lo cual empiora tanto les sos condiciones llaborales (sobrecarga burocrática pa programar y redactar informes d’evaluación cualitativos individuales trimestralmente), como’l tiempu d’atención que correspuende a cada  neñu o neña. A éstes pa estos cálculos nun se van tener en cuenta’l númberu d’unidaes COVID.

Amás, esta asignación llineal d’hores en función de cualesquier de los dos criterios, ignora por completu la individualización del sofitu, yá que nun tien en cuenta les condiciones particulares de cada alumna o alumnu: hai’l mesmu tiempu pa toos y toes, independientemente de les sos característiques.

Tou apunta a que la tema presupuestaria, otra vegada y como siempres, ye la causa principal pola qu’Asturies ye xuna de les poques Comunidaes Autónomes qu’inda nun tien un Decretu de Equidad mesmu desque en 2012 apaeciera’l primer borrador.

Por tanto, esiximos l’apertura d’un procesu de negociación que lleve a tener, a lo último un Decretu de Equidad que tenga en cuenta les necesidaes y condiciones de cada persona, y que dexe iguar l’actual Sistema Educativu por que la Escuela Pública pueda garantizar, realmente, el mesmu accesu a les ferramientes y a les oportunidaes.

2 d’ochobre de 2020

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344