Home > Comunicaos > SUATEA contra la conxelación salarial

SUATEA contra la conxelación salarial

Dende SUATEA asistimos con esmolición a les declaraciones de distintos ministros del Gobiernu del Estáu al respective de un posible retayu salarial a los emplegaos públicos y el retrasu de la edá de xubilación real. En cuenta d’un plan seriu de refuerzu de plantiyes de les nueses menguaes alministraciones públiques, más necesariu que nunca na actual situación de pandemia, atopamos amenaces.

Les emplegaes y los emplegaos públicos tuvimos trabayando ensin fuelgu frente al virus y les sos consecuencies (nos hospitales y centros de salú, nes residencies de persones mayores, tramitando ERTEs, na llimpieza viaria y d’instalaciones, na educación, etc.). El personal emplegáu público perdió un 15% de poder adquisitivu mientres la última década, polo que, pa SUATEA ye necesariu un plan de recuperación de les perres perdíes (n’Asturies amás la homologación salarial col restu de los territorios), asina como una ampliación de plantiyes que valga pa recuperar l’empléu públicu perdío y garantizar unos servicios públicos de calidá.

Dende SUATEA oponémonos radicalmente a l’aplicación  de recetes económiques, como les que se vienen practicando dende 2010, que faen  recayer el pesu de toles crisis enriba’l llombu de los y les trabayadores. Col nuesu trabayu, esfuerzu y firme voz vamos siguir andechando nuna salida que salve a la mayoría social de la miseria a la que se ve sometida.

¡PAN, TRABAYU, TECHU, DIGNIDÁ, IGUALDÁ!

El Secretariáu de SUATEA, 

Uviéu 14de setiembre de 2020

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344