SUATEA algama la Presidencia y la Secretaría de la Xunta de Personal Docente

Esta entrada está disponible en: Castellano (Castellanu)

Xunta de Personal DocenteGüei, 2 de febreru, constituyóse la nueva Xunta de Personal Docente non Universitariu. Ta formada polos delegaos y delegaes que elexíos nes últimes elecciones sindicales. Nesta primer xunta de constitución escoyéronse los cargos de presidencia y secretaría de la mesma. Toos dos recayeron sobre les candidatures presentaes por SUATEA.

La nueva presidenta de la Xunta de Personal ye Emma Rodríguez García, maestra de Primaria nel C.P. El Coto de L’Entregu; y la secretaria, Isabel González López, profesora de Lengua y Literatura nel IES de Llanes.

A lo llargo de los últimos cursos el profesoráu asturianu foi ún de los colectivos más afectaos polos retayos de l’alministración pública. La perda de puestos nes plantiyes dexaron na cai a docentes interinos y sobrecargaron el llabor diariu de los que siguen, sían definitivos o non. Son munches coses que tán en xuegu cuando se trata de servicios tan esenciales como ye l’educativu. Por too ello faemos públicu’l nuesu máximu compromisu por que la Xunta de Personal se constituya como l’órganu que defenda y lluche pola recuperación de derechos perdíos y algame cotes de mayor dignidá pal oficiu docente y pal conxuntu del sistema.

Uviéu, 2 de febreru de 2015

Print Friendly, PDF & Email

Esta entrada está disponible en: Castellano (Castellanu)