Somos Reales

Los movimientos sociales, agrupaos entorno a les Marches pola Dignidá, planteguen una selmana d’actividaes n’Uviéu coincidiendo cola entrega de los Premios Príncipe d’Asturies, cola intención de visibilizar el descontentu y los recortes que tán acabando con derechos básicos de la ciudadanía.

El vienres 24 les Marches de la Dignidá van salir dende La Pola Siero, Xixón, La Felguera, Mieres, Avilés y Grau camín d’Uviéu, pa xuntase na Plaza de La Escandalera a media tarde coincidiendo colos actos que se van desenvolver al mesmu tiempu na entrada del Teatru Campoamor.

El día enantes, xueves 23 d’ochobre, nel Campus de Santullano van desarrollase delles meses temátiques nes que se va aldericar sobre como afecten a la ciudadanía les polítiques neolliberales que se tán aplicando nel estáu. Na mesa que va analizar la situación del enseñu públicu va cuntar cola presencia de la nuestra compañera Beatriz Quirós, presidenta de la Xunta de Personal Docente d’Asturies y miembro del Conseyu Escolar del Estáu.

Descargar el dípticu d’actividaes Somos Reales [PNG 1’9MB]