Home > Comunicaos > Sobre los tribunales de les oposiciones

Sobre los tribunales de les oposiciones

El procesu d’oposiciones docentes echó a andar cola publicación de les llistes provisionales d’aspirantes y tribunales. El númberu d’aspirantes pasa de 6.000 persones, y pa ello fórmense 34 tribunales. Esto fai qu’a cada tribunal-y correspuendan más de 150 persones, y esto ye más grave entá n’Infantil, onde’l númberu d’aspirantes per tribunal perpasa les 200.

Especialidá Tribunales Aspirantes Asp/Tribunal Places Asp/plaza
Audición y L. 2 319 161 21 15
Infantil 10 2098 213 68 31
Primaria 12 2005 169 38 53
Inglés 5 731 148 33 22
Pedagoxía Terap. 5 801 163 28 29

(Inclúinse únicamente aspirantes de turnu llibre)

Dende SUATEA queremos denunciar esti fechu. Esperamos qu’esti eleváu númberu de persones per tribunal nun vaiga en desterciu del normal desenvolvimientu del procesu y que los miembros de tribunal nun reciban nenguna presión per parte de l’Alministración pa suspender nes primeres pruebes a los aspirantes de forma indiscriminada, acortando asina’l procesu nel tiempu.

Dende SUATEA esiximos a l’Alministración:

  • Que nun presione a los tribunales col envís d’acortar el procesu selectivu.
  • Que nun faiga un repartu de places per tribunal, ya que pola esperiencia del añu pasáu (con procesos tovía nos xulgaos), sabemos que puen tener plaza persones con notes más baxes qu’otres con notes más altes por un repartu inxustu.
  • Que’l tema seya únicu pa tolos tribunales de la mesma especialidá.

Aprovechamos tamién pa publicar los datos sobre’l númberu de persones que, según nuestros cálculos, tán inscrites en delles especialidaes.

Especialidá Inscritos n’otres especialidaes
Inglés 68
Primaria 218
Infantil 125
Pedagoxía Terapéutica 108
Audición y Llinguax 45
Total 564

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344