Home > Aición sindical > Reversión inmediata de los retayos y recuperación de los horarios llectivos.

Reversión inmediata de los retayos y recuperación de los horarios llectivos.

SUATEA esixe la reversión inmediata de los retayos na educación asturiana y la recuperación de los horarios llectivos.

L’impactu de la política de recortes sobre la escuela pública ye conocíu de sobra. Cuando nel añu 2012 se publicó’l Real Decretu sobre la racionalización del gastu públicu, qu’implicaba l’aumentu de les hores llectives pal profesoráu, xeneróse una situación que llevó al profesoráu a una situación llende, complicada esti cursu col desarrollu del procesu selectivu.

Poques fueron les escuses presentaes por esti Conseyeru pa intentar resolver situación, siendo la más escuchada la referida al respetu a la llegalidá, magar que en delles comunidaes autónomes fueron buscándose resquicios  llegales p’amenorgar l’impactu d’esta midida. Nun se fizo nada dende’l gobiernu asturianu que se dedicó a estrumir al máximu al profesoráu.

La primer Conferencia Sectorial d’Educación dio lluz verde a les comunidaes autónomes pa revertir los recortes aplicaos hasta agora. De forma sorprendente, la Conseyería d’Educación asturiana, amosando un despreciu absolutu hacia’l so profesoráu, tramitó yá les instrucciones pal entamu del cursu 2018-2019 calteniendo les hores lectives ensin cambéu dengunu. Al mesmu tiempu, el Conseyeru diz que nun va ser fácil volver al estatus horariu d’enantes de la crisis, colo que paez anunciar que nun ta pol fin de los retayos que s’aplicaron sinón por abrir negociaciones colos sindicatos educativos pa buscar  situaciones entemedies o plazos indefiníos.

Dende SUATEA creemos que se trata d’una situación d’hipocresía y despreciu. Echamos en falta una voluntá p’aplicar esta nueva situación de forma inmediata porque yá nun hai escuses que xustifiquen la situación de cursos anteriores y, si l’actual equipu nun se ve con fuerces, igual llegó’l momentu de colar y dexar pasu a otru nuevu más sensible a la situación de la escuela y los pruyimientos del profesoráu.

Uviéu 31 de xunetu 2018

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778