Relixón ye relixón

Esta entrada está disponible en: Castellano (Castellanu)

Escuela Pública y LlaicaSUATEA pide a la Conseyería d’Educación que comunique a les direcciones de los centros educativos asturianos que’l “profesoráu” de Relixón nun puede impartir otres asignatures, nin facer substituciones, nin apoyos, nin recreos, etc…

Dende l’entamu del cursu escolar esti sindicatu ye sabedor gracies a les comunicaciones por parte de la comunidá educativa (docentes y families), que se ta completando l’horariu a “profesores” de Relixón con carga docente llectivo n’asignatures ayenes a la so materia.

Dende esti sindicatu procedióse a tratar dellos casos puntuales directamente col Serviciu d’Inspección, algamando resultaos satisfactorios pa la defensa d’un enseñu públicu y llaicu, asina como na defensa de los intereses del colectivu docente asturianu.

Sicasí, al ser una práctica más xeneralizada de lo que pudiere paecer, tanto en Primaria como en Secundaria, tenemos solicitao formalmente a la Conseyería d’Educación que mande una nota aclaratoria a les direcciones de los centros educativos indicando que’l profesoráu de relixón únicamente puede tener la so carga llectivo na so asignatura.

Print Friendly, PDF & Email

Esta entrada está disponible en: Castellano (Castellanu)