Home > Aición sindical > Recorte de plantiyes: Otres 87 places menos pal cursu 2015-16

Recorte de plantiyes: Otres 87 places menos pal cursu 2015-16

Recortes educaciónLlega otra vuelta’l temíu recorte de plantiyes, l’esmantelamientu del sistema educativu asturianu sigue un cursu más.

Otra vuelta la Conseyería actúa de forma inaceptable apurriendo a los centros educativos la propuesta de plantiyes pal próximu cursu con namás 48 hores pa presentar alegaciones a les mesmes. D’esta forma les direcciones de los centros atópense ensin capacidá de reacción pa estudiar con detalle les necesidaes del so centru y alegar correctamente a la propuesta de l’Alministración. Estes son les formes qu’usa l’Alministración nos últimos años pa esti y otros munchos procesos.

Un añu más, tamos falando de decenes de puestos de trabayu destruyíos por un Gobiernu que fala de criación d’empleu de calidá mientres achuquina tolos años cientos de puestos de trabayu estables en distintos ámbitos de l’Alministración Asturiana. Esta ye la doble moral del partíu que gobierna Asturies: d’un llau dizse defensor del enseñu públicu y d’otru dedícase a esmantelalu. Cursu tres cursu destrúin empléu en daqué tan fundamental pal desenrrollu d’un país como ye la educación pública.

Nel cuadru que detallamos abaxo vemos los 87 puestos “barríos” de les plantiyes. Como curiosidá apuntar que namás hai un centru n’Asturies nel que se cría una plaza, concretamente d’inglés (esta ye la escepción que confirma la riegla de los recortes) y esto pesie a qu’hubo exactamente 317 xubilaciones l’otru cursu.

 RECORTE PLANTIYA PUESTOS PRIMARIA
ESPECIALIDÁ RECORTE DE PUESTOS
Música 4
Primaria 14
Infantil 10
Educación física 6
Pedagoxía terapéutica 1
Inglés 2
Audición y llinguax 1

TOTAL PRIMARIA

38

 RECORTE PLANTIYA PUESTOS SECUNDARIA
ESPECIALIDÁ RECORTE DE PUESTOS
Educación física 4
Llingua castellana y lliteratura 10
Historia y Xeografía 6
Llatín 2
Filosofía 4
Tecnoloxía 2
Música 2
Mantenimientu de vehículos 1
Apoyu área práctica 1
Matemátiques 5
Bioloxía y Xeología 5
Física y Química 3
Francés 2
Inglés 1
Instalaciones electrotécniques 1

TOTAL SECUNDARIA

49

PUESTOS TRABAYU RECORTAOS

87

Nestos meses veremos a Javier Fernández faciendo campaña electoral y contándonos les sos propuestes sobre empléu de calidá, prestaciones sociales, meyoras en sanidá, n’educación y un llargu etc. Seyamos conscientes de que ye too puru cuentu. Asturies ye la sesta comunidá que más baxó’l so gastu n’Educación ente 2009 y 2012, siendo la reducción d’un 15%, tres puntos más que la media estatal.

Dende SUATEA desiximos a la Conseyera d’Educación que nun recorte otra vuelta les plantiyes docentes de los centros educativos asturianos que yá sufrieron un recorte brutal n’años anteriores. Qu’atienda les alegaciones plantegaes dende los centros educativos que son los realmente conocedores de les sos verdaderes necesidaes, argumentu que la Conseyería alega mui a menudo cuando y pa lo que-y interesa.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339