Home > Condiciones llaborales > Protocolu de Salú Llaboral pa la Prevención de contaxu por COVID-19

Protocolu de Salú Llaboral pa la Prevención de contaxu por COVID-19

Acaba asoleyase’l Protocolu de Salú Llaboral pa la Prevención de contaxu por COVID-19 nel ámbitu llaboral del Personal Docente. Nél establécense les midíes preventives, colectives y individuales, que tienen d’adoptase nel ámbitu llaboral del personal docente en centros educativos pa protexer y prevenir al máximu posible’l riesgu de contaxu por COVID-19. Esti documentu afirma nel so conteníu que cuenta col conocimientu y la participación de los y les representantes de los trabayadores.  

Dende SUATEA queremos poner en conocimientu de los/es trabayadores de la enseñanza, la comunidá educativa y la opinión pública asturianes: 

  1. Que nun fue conocíu por SUATEA hasta la so publicación ayeri pela tardiquina. 
  2. Que nun cuenta cola participación nin el pase de la nuestra organización sindical . Enantes de la publicación del documentu convocósemos por primera vez en décades a los Comités de Salú Llaboral pa informanos de que se diba a ellaborar un reglamentu de funcionamientu d’ellos y un protocolu de prevención de riesgos de contaxu por COVID-19 del que nun se nos presentó nengún borrador para facer aportaciones. 
  3. Que dende qu’entamó la pandemia llevamos aporfiando a la Consejería de Educación, la convocatoria d’una Mesa Sectorial de Educación onde tratar el grave empeoramientu de les condiciones llaborales del profesoráu y la protección de la salú de los/les trabayadores cuando entame la vuelta a les aules.  
  4. Que nun ye razonable, atendiendo a criterios de salú pública y organización escolar, empicipiar l’atención educativa presencial enantes del mes de setiembre. 

Protocolo de Salud Laboral para la Prevención de contagio por COVID-19 en el ámbito laboral del Personal Docente Ver documentu (pdf – 11/05/2020)

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344