Profesoráu Técnicu de FP na LOMLOE

La LOMLOE va abrir la puerta pa que Profesoráu Técnicu de Formación Profesional (grupu A2) pueda pasar al A1.

Nos ciclos de formación profesional imparte docencia profesoráu que pertenez dos niveles  diferentes dientro de l’alministración: el Profesoráu Técnicu de Formación Profesional, perteneciente al grupu A2, y el Profesoráu de Secundaria, perteneciente al A1.

Esta diferenciación ente docentes qu’imparten clase al mesmu alumnáu y con similares atribuciones constitúi un agraviu que se sigue abasnando una llei educativa tres otra.

La últimes enmiendes a la LOMLOE aprobaes esti 13 de payares, solo seis díes antes de la so presentación al congresu, fixeron que s’incluya como midida la futura integración d’esti cuerpu de profesoráu nel grupu A1.

El camín foi llargu y la resultancia entá nun ye satisfactoria, pero ye un pasu. El 20 d’ochobre SUATEA y la Confederación de STES  presentaron al Conseyu Escolar del Estáu una propuesta de meyora que resultó aprobada y supunxo l’encamientu d’esti órganu, al Ministeriu d’Educación y Formación Profesional, de que “en camín escontra’l cuerpu únicu de profesores, el profesoráu técnicu de formación profesional tea oldeáu alministrativa y económicamente al d’educación secundaria.”

Tres d’ello, llegáu’l momentu de l’aprobación d’enmiendes a la LOMLOE dellos grupos políticos, incluyíu’l grupu socialista, presenten propuestes de meyora nesi sen, que son incorporaes a la futura llei.

Pero’l testu nun ye tovía satisfactoriu. La Disposición adicional undécima, diz textualmente:

“Disposición adicional undécima. Profesorado del Cuerpo a extinguir de Profesores Técnicos de Formación Profesional.

1. Se integran en el cuerpo de profesores de enseñanza secundaria las especialidades de formación profesional incluidas en el cuerpo a extinguir de profesores técnicos de formación profesional, manteniendo la atribución docente reconocida por la normativa vigente.

2. El Gobierno, de acuerdo con las administraciones educativas, establecerá el procedimiento para el ingreso en este cuerpo, así como para el acceso al mismo del profesorado técnico de formación profesional que estuviera en posesión en la fecha de entrada en vigor de esta Ley Orgánica de la titulación de grado universitario, o equivalente a efectos de acceso a la función pública, en las condiciones que se determinen.

3. Los funcionarios de carrera del cuerpo de profesores técnicos de formación profesional que, por no reunir los requisitos de titulación exigidos en la fecha de entrada en vigor de esta Ley, no puedan acceder al cuerpo de profesores de enseñanza secundaria, permanecerán en el cuerpo a extinguir de profesores técnicos de formación profesional. Estos profesores mantendrán su especialidad y la atribución docente reconocida por la normativa vigente.”

Magar que los requisitos de titulación p’aportar al grupu A1 son idénticos a los del A2, esisten munches especialidaes de Formación Profesional que, poles sos carauterístiques, nun son impartíes por profesoráu con titulación universitaria. Esti fechu ye bien patente dientro de families profesionales como “Hostelería y Turismo”, “Imagen Personal” o “Madera, Mueble y Corcho” por citar dalgunes. Pero les enmiendes, tal que fueron redactaes, nun dexaríen a una parte importante d’esti profesoráu aportar al nivel A1 y quedaríense aisllaos nun cuerpu a desaniciar” hasta la so xubilación. Pero en mayor incertidume entá dexa al profesoráu interín d’estes especialidaes, que la so xestión depende de cada comunidá autónoma.

SUATEA – Confederación de STES ufiertóse a collaborar na redaición del futuru Real Decretu que va tener que desenvolver tolos detalles. El nuesu oxetivu ye llograr que naide se quede p’atrás, que se respeten toles titulaciones qu’hasta agora fueron válides (y necesaries), y que tol profesoráu interín afectáo puea siguir trabayando y apurriendo la so valía y esperiencia.

Los y les docentes tienen de tar informaos y poder opinar sobre’l so futuru. Pa ello, los sindicatos de la Confederación de STES, tán celebrando xuntes de profesoráu de formación profesional per tol territoriu nacional, siendo la convocatoria de SUATEA p’Asturies el próximu xueves 26.

Uviéu, 24 de payares de 2020.