Home > Asturianu > Presentación calendariu “Muyeres nel deporte”

Presentación calendariu “Muyeres nel deporte”

Presentación del calendariu de SUATEA “Tiempu de muyeres, muyeres nel tiempu”, “Muyeres nel deporte” 2018.

Dende va 14 años, la Confederación de STEs y SUATEA facemos y publicamos un calendariu que titulamos “Tiempu de muyeres, muyeres nel tiempu” que se distribuye per tolos centros educativos del Estáu.

El calendariu ta ellaboráu de forma coordinada poles árees de Muyer de los sindicatos de la Confederación STEs y tien como oxetivu ufiertar un apoyu al profesoráu para visibilizar les aportaciones de les muyeres nos distintos ámbitos de la vida a lo llargo la historia.

Pa ello, el calendariu dedica la efeméride de cada día a una muyer y va acompañáu d’actividaes abondantes pa trabayar dientro l’aula nes distintes materies y niveles educativos.

 A lo llargo d’estos años, tenemos dedicao’l calendariu a muyeres creadores d’arte, periodistes y creadores d’opinión, creadores de pensamientu, muyeres adelantaes en diferentes actividades, etc.

Esti de 2018 dedícase a les muyeres deportistes col envís de reconoce-yos l’esfuerzu y los llogros que vienen algamando. Tratar d’averar la so contribución al nuesu alumnáu pa que conozan l’aportación de les muyeres nel deporte. Asina, recoyemos nel calendariu destacaes representantes nel deporte femenín como la pionera Lilí Álvarez (polideportista), la tenista EEXX Billie King, la esquiadora Blanca Fernández Ochoa, la montañera Edurne Pasabán, les ciclistes Joane Somarriba y la asturiana Rocío Gamonal, la nadadora Mireia Belmonte o la adelantada n’esgrima paralímpica Gema Hassen-Bey y munches otres que recueye la publicación.

La presentación oficial del calendariu d’esti añu 2018 realizóse ayeri na Biblioteca d’Asturies d’Uviéu y cuntemos cola presencia de les principales protagonistes:

 Virginia Argumoso de Poo (ilustradora), Rosa Fernández Rubio (alpinista y escaladora asturiana), Rocío Ríos Pérez (atleta asturiana) y Rocío Gamonal Ferreras (ciclista asturiana).

Semeyes del actu

Uviéu, 16 xineru de 2018

Esta entrada tamién se puede consultar en: Castellanu