Home > Eleiciones2018 > Por una formación pa la meyora de la enseñanza

Por una formación pa la meyora de la enseñanza

  1. Formación del profesoráu qu’incluya les conocencies teóriques y práctiques referentes al desempeñu de la función docente. Formación n’“acción tutorial” pa tol profesoráu. Na formación permanente va potenciase’l deprendimientu d’estratexes de comunicación, dinámiques de grupu ya igua de conflictos.
  2. Non a la propuesta del MIR docente que nun respuende a les necesidaes del sistema educativu en materia de formación.

3.- La formación permanente, un derechu y un deber del profesoráu, ye responsabilidá de les Alministraciones educatives. Polo tanto, tienen de desvinculase la formación y les retribuciones.

  1. La planificación de la formación que tienen d’ufiertar les alministraciones educatives fadráse cola participación de los representantes del profesoráu, les universidaes públiques y los movimientos de renovación pedagóxica u otros colectivos asemeyaos.
  2. La formación permanente fadráse n’horariu llectivu y, preferentemente, nos centros de trabayu. Non a la privatización de la formación. Non al desvíu de recursos públicos de formación pa entes privaos.
  3. Non a la formación del profesoráu como negociu. Non al usu clientelar de la formación per parte de sindicatos o fundaciones.

7.- Impulsu y apoyu a la innovación, la esperimentación y l’investigación educativa del profesoráu per aciu de reducciones horaries, estancies formatives, etc.

  1. Reconocencia y sofitu institucional a los grupos de docentes que planifiquen la so autoformación y la reflexón conxunta sobre problemes pedagóxicos.
  2. Aumentu del númberu de llicencies por estudios, col cobru íntegru de les retribuciones y venceyando la so concesión a la repercusión na meyora de la práctica docente.
  3. Ufierta formativa de llingua asturiana, gallego-asturiano y cultura asturiana dirixida a tol profesoráu.
  4. Planes institucionales de formación que faigan posible l’accesu de tol profesoráu a les titulaciones de grau.
  5. Recuperación y ampliación de la REDE de CENTROS de FORMACIÓN de PROFESORÁU y RECURSOS qu’apurra a los docentes formación específica.
  6. Formación inicial y continua del profesoráu en temes d’igualdá de xéneru y diversidá sexual, iguando l’actual defectu y dotando a tol profesoráu de los conteníos, instrumentos y metodoloxíes necesaries pa detectar y saber actuar énte actitúes sexistes, contraries a la igualdá ente homes y muyeres y al respetu a la diversidá afeutiva ya identidá de xéneru, tanto nel currículum esplícitu como nel ocultu del sistema educativu.
  7. Fomentu y ufierta de formación del profesoráu en sistemes operativos y aplicaciones llibres.
  8. Nomamientu de persones responsables, con cualificación en temes d’igualdá nos Centros de Formación del Profesoráu, que planificarán y coordinarán la formación continua del profesoráu en coeducación.
  9. Promoción de les estancies del profesoráu de toles materies y niveles nel estranxeru o n’otros centros per mediu de convenios de collaboración ya intercambiu.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778