Por una Escuela Pública Asturiana

Esta entrada está disponible en: Castellano (Castellanu)

  1. Ufierta educativa pública qu’atienda les necesidaes de tola población asturiana, ensin discriminación dalguna pol llugar de residencia o procedencia, en tolos niveles educativos, obligatorios y non obligatorios.
  2. El dinero públicu pa la escuela pública asturiana. Refugamos la privatización del sistema educativu asturianu y la política de conciertos con empreses privaes, la “esternalización” de servicios (comedor, tresporte, cuidaos, instalaciones deportives, llimpieza, caltenimientu d’equipos informáticos…), asina como la introducción de la ideoloxía empresarial nos currículos y nes rellaciones llaborales.
  3. Declaración d’Oficialidá de la Llingua Asturiana, y del Gallego-Asturiano. Esixencia de que, mentanto nun s’algame esta reivindicación histórica, se tomen transitoriamente les midíes organizatives rellatives a personal, material y dotación presupuestaria que s’averen lo máximo a una situación d’oficialidá. Reconocimientu de la especialidá de Llingua Asturiana y Gallego-Asturiano en tolos niveles educativos y creación de puestos de Llingua Asturiana y Gallego-Asturiano nes plantiyes docentes.
  4. Sistema educativu asturianu propiu que tresmita les nueses señes d’identidá (cultura material, llingües propies, música…) d’una manera natural y acordies col bagaxe científicu-técnicu y humanísticu que propicie la tolerancia, el respetu a la multiculturalidá del mundu actual.
  5. Política institucional que favoreza la ellaboración del material curricular basáu na nuesa realidá cultural, histórica, social y llingüística.
  6. Por un Conseyu Escolar d’Asturies de composición más plural, con representación de tolos sectores sociales, más equilibráu y democráticu.
  7. Por unos servicios complementarios públicos en tolos centros educativos y xestionaos pola Alministración asturiana: recuperación de les cocines y dotación del personal necesario p’atendeles en tolos centros públicos; serviciu de comedor con almuerzu y xinta;serviciu de tresporte, actividaes complementaries y estraescolares, enfermería, etc.
  8. Pola integración na Conseyería Educación de la etapa 0 a 3 años pública y de baldre. Estensión de la ufierta ya inclusión de les y los trabayadores na citada Conseyería.
  9. Pol derechu a la negociación colectiva colos representantes del profesoráu. Elecciones a delegaos y delegaes sindicales de Centru. Negociación d’un nuevu alcuerdu retributivu y de condiciones llaborales qu’equipare al profesoráu asturianu col restu’l profesoráu del Estáu, per aciu d’una xuba llinial, ensin discriminaciones. Reducción de tres hores llectivespa tol profesoráu.
  10. Por una Formación Profesional al serviciu de la sociedá asturiana y non de los intereses de dalgunes empreses. Refugu a la privatización de los centros de FP y al usu de les sos instalaciones y material poles empreses. Ufierta de Formación Profesional pública: non a la privatización de la FP.Refugu a les subvenciones millonaries a sindicatos, empreses y otros “axentes sociales” (ONGs tapadera, academies de formación, fundaciones…). Non a la FP dual: sistema de práctiques remuneraes pa tol alumnáu de FP.
  11. Negociación d’un nuevu Acuerdu sobre profesoráu interín que recueya la estabilidá del colectivu y equipare les sos condiciones llaborales coles del profesoráu funcionariu de carrera. En tou casu, permanencia nos puestos ocupaos en fraude de llei hasta que se cubra pola persona titular de la plaza. Refugu de los contratos a media xornada y a los, tovía más precarios, de media xornada con itinerancia. Estabilidá pal profesoráu interín hasta’l so accesu definitivu a la función pública. Non al MIR docente.
Print Friendly, PDF & Email

Esta entrada está disponible en: Castellano (Castellanu)