Home > Eleiciones2018 > Por una educación inclusiva, pola compensación de desigualdaes y l’atención a la diversidá

Por una educación inclusiva, pola compensación de desigualdaes y l’atención a la diversidá

  1. Reivindicación d’una escuela inclusiva, que refuercie’l so papel compensador de desigualdaes sociales, que respuenda a la diversidá de tol alumnáu, que respete y reconoza les sos diferencies y les sos singularidaes, qu’ofreza les oportunidaes educatives y les ayudes necesaries -curriculares, personales y materiales- pal progresu académicu y personal del alumnáu. Tolos centros educativos tienen de ser, de fechu, centros inclusivos y han tener les condiciones arquitectóniques y los recursos personales y materiales apropiaos.
  2. Desarrollu d’un Decretu específicu d’Atención a la Diversidá que garantice la dotación a tolos centros públicos del personal necesario p’atender con calidá al alumnáu que presente necesidaes específiques de sofitu educativu, trescendiendo la categoría de Necesidaes Educatives Especiales.
  3. Regulación de la organización y funcionamientu de la Unidá d’Atención Temprana siguiendo una perspectiva global, con vertientes educatives, sanitaries y sociales, centráu na familia y dando servicios nos entornos naturales de los neños y neñes.
  4. Dotación de profesoráu de PT y AL pa tol alumnáu que lo precise en tolos niveles educativos. Disponibilidá horaria paexercer un llabor preventivu y orientador.
  5. Reducción horaria pal profesoráu de PT o AL que tenga qu’asumir la coordinación de la Unidá d’Orientación nos centros d’Educación Infantil o Primaria.
  6. Disminución de la ratio nes aules, en función de la cifra d’alumnáu con necesidá específica d’apoyu educativu (NEAE).
  7. Ellaboración d’un Plan d’actuación coordináu ente distintos servicios, instituciones sociales, sanitaries y conceyos p’algamar una coordinación efectiva de recursos nel llabor preventivu y compensador de la escuela. Impulsar iniciatives como la creación d’escueles de familia.
  8. El currículu del centru incorporará na so ufierta los programes p’atender a la diversidá llingüística ya intercultural del alumnáu. Desarrollaránse programes d’educación pa la convivencia -n’horariu llectivu- y dotaráse a los centros del profesoráu y la formación necesarios.
  9. Dotación nes Unidaes d’Orientación de los centros d’Infantil y Primaria y nos Departamentos d’Orientación en Secundaria de Profesoráu Técnicu de Servicios a la Comunidá, auxiliares educadores, fisioterapeutes, intérpretes de llingua de signos u otros profesionales que permitan eliminar les barreres pal deprendimientu a les que s’enfrenta l’alumnáu con NEAE.
  10. Dotación en tolos centros d’espacios amplios y adautaos, materiales y recursos bastantes.
  11. Establecimientu del serviciu de comedor escolar en tolos centros educativos públicos, con personal de cocina y comedor al cargu de l’Alministración. Adautación del serviciu de tresporte escolar a les condiciones d’accesibilidá universal qu’esixe la normativa. Gratuidá nel tresporte pa toles enseñances de la rede pública.
  1. Horariu llectivu de, polo menos, trés hores pa l’acción tutorial y les xeres de coordinación como elementu clave d’atención a la diversidá y, poro, de la función docente.
  2. Dotación de personal d’apoyu nel aula per tol períodu llectivu, nos Centros d’Educación Especial y nos qu’escolaricen alumnáu con necesidaes educatives especiales.
  3. Dotación de personal d’enfermería nos Centros d’Educación Especial qu’atienda a la totalidá del alumnáu en toles necesidaes del ámbitu clínicu que precise: alministración de fármacos, midir el nivel de glucosa en sangre, alministrar insulina, curar firíes o evitar mancadures en casos d’ataques epilépticos, etc.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339