Home > Aición sindical > Pónennos malos

Pónennos malos

Gripe y CrisisSUATEA refuga’lnuevu retayu anunciáu pola alministración que penaliza al personal funcionario y llaboral. D’equí p’alantre va a esixise certificáu médicu pa xustificar los cuatro díes que namás riquíen una declaración personal responsable en casu d’ausencia. Quedase de baxa yá taba penáo con brutales descuentos salariales, agora amás castígase enfermar anque sía solo un día. Según l’alministración, trátase d’evitar abusos.

Pa SUATEA, quien comete abusos ye la mesma alministración qu’a día de güei caltien ensin dotar a los centros del personal necesario como ye’l casu de los sofitos d’Educación Infantil nel CP Montevil de Xixón, o profesoráu d’AL nel Quirinal d’Avilés.

El despreciu pola salú llaboral del personal, y poles condiciones d’escolarización del alumnáu vese na situación de munchos centros educativos nos que se caltienen obres n’horariu lectivu, poniendo en peligru la integridá y seguridá de les persones, como ye’l casu por exemplu del Colexu Les Campes d’Uviéu, onde se planea llevantar un pisu más del edificiu con alumnáu y profesoráu dientro. N’otros casos, los informes de les males condiciones de los centros nun s’escuchen hasta que ye demasiáo tarde, como nel casu del IES de Cangues D’Onís. Los barracones empiecen a abondar. Yá los tenemos instalaos na Corredoria, o nel CP Alfonso Camín de Xixón.

Pero l’alministración, en cuenta de abordar estos problemes y atender les demandes de los centros, dedicase a penalizar al profesoráu acusándolo d’abusar d’un sistema que yá suponía un retayu de los sos derechos.

N’otros asuntos, como la convocatoria d’oposiciones, sigue calteniéndose al profesoráu interín na mayor de les incertidumes, alrodiu de les especialidaes, les places y les condiciones nes que pudiera desarrollase la Ufierta d’Empléu Públicu. Delles organizaciones sindicales dedíquense a espublizar informaciones ensin fundamentu, colo que la ceremonia del tracamundiu ta sirvida. Quien sufren les consecuencies son los docentes en tolos casos.

SUATEA esixe un posicionamientu inmediatu a l’alministración p’acabar cola incertidume tanto del profesoráu interín como del de los Conservatorios asturianos, que siguen ensin saber a ciencia cierta a qué carta quedase respectu al desarrollu del procedimientu d’accesu a cuerpu superior.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778