Polémicu allugamientu grau de deportes

Polémicu allugamientu grau de deportes

Nestos díes surdió una nuevu discutiniu n’Asturies. Nesta ocasión l’alderique céntrase na concesión a una localidá del grau de Ciencies de l’Actividá Física y del Deporte de la Universidá d’Uviéu, compitiendo pol mesmu Mieres y Xixón. Les alegaciones de caúna de les ciudaes básense na esistencia d’instalaciones, la necesidá de rentabilizar inversiones previes, el volume d’alumnáu, etc.

En dambos casos, tamos asistiendo a la presentación en públicu de los sofitos acumulaos en cada localidá pa defender les sos aspiraciones. Nesti sentíu, distintes organizaciones polítiques d’ámbitu local, asociaciones de comerciantes, etc. vienen tomando posición.

Pal sindicatu SUATEA falta un elementu central a incorporar nesti alderique y ye’l referíu al patrociniu públicu o priváu de la titulación del grau universitariu. Nun contestu de crisis económica como l’actual, cada factor políticu, sían persones, instituciones o localidaes, xueguen y apuesten al máximu posible por ameyorar la so posición y mires. Esto nun tien de faemos escaecer que, precisamente por tar condicionaos pola crisis, la decisión final tien de tomase con responsabilidá p’ayudar a desaniciar los efectos de la mesma dende’l sistema públicu, y nun tendría de ser una oportunidá de negociu priváu.

Establecida la condición principal del so calter públicu como factor esencial que garantizaría la calidá del nuevu serviciu universitariu, asegurando númberu abondu d’alumnáu aspirante, unes tases razonables, conexones de tresporte, profesoráu cualificao, etc;  sedría cuando habría que valorar el restu de variables que se remanen para tomar una decisión de localización xeográfica afecha a les necesidaes formatives esistentes y a la planificación ecomomico-territorial equilibrada d’Asturies.

El Secretariaú de SUATEA

Uviéu a 4 de mayu de 2018