Home > Eleiciones2018 > Pola meyora la Escuela nel mediu rural

Pola meyora la Escuela nel mediu rural

  1. Tratamientu llexislativu específicu pa la Escuela Rural, como exa estratéxica de vertebración de la sociedá asturiana poles sos característiques xeográfiques, insistiendo, sobre too, nos requisitos mínimos de los centros, la so estructura organizativa y normativa de funcionamientu. Reglamentos orgánicos de centros adautaos a esta especificidá.
  2. Obligatoriedá de que’l mapa escolar rural considere toles etapes y ufiertes educatives -obligatories y post-obligatories, asina como los distintos servicios -equipos Sicopedagóxicos y d’Orientación, tresporte y comedor, actividaes estraescolares…
  3. Reconocimientu de la diversidá de modelos d’escolarización nel mediu rural (escueles unitaries, centros incompletos, CRAs, etc.) y garantía del cumplimientu de requisitos mínimos en dotaciones ya infraestructures y una plantiya estable y abonda.
  4. Cumplimientu del alcuerdu de plantiyes d’Infantil y Primaria pa garantizar la figura del tutor/a xeneralista por unidá y la dotación bastante d’especialistes, lo mesmo que de profesoráu d’apoyu y d’atención a la diversidá. En Secundaria, creación y funcionamientu de los distintos departamentos, incluyíu’l d’Orientación, con personal abondo que permita l’atención a la diversidá de tol alumnáu, desarrollando les funciones de tutoría y orientación que correspuenden.
  5. Ratios reducíes y agrupamientos flexibles que favorezan el caltenimientu d’unidaes nel mediu rural.
  6. Formación específica, inicial y permanente, pal profesoráu del mediu rural. Tamién, formación en llingua asturiana y/o gallego-asturiano. Creación y dinamización de grupos específicos de trabayu, innovación educativa ya investigación.
  7. Creación d’un parque móvil de vehículos pa profesoráu itinerante. Regulación y meyora de les condiciones llaborales del profesoráu itinerante, con compensaciones económiques y horaries derivaes de la propia itinerancia.Mientres se constituya’l parque móvil, secubranlos riesgos con un seguru a tou riesgu qu’incluya vehículu de sustitución en casu d’accidente. Dotación presupuestaria abonda pa encarar indemnizaciones y creitos ensin intereses pa l’alquisición de vehículos. Consideración d’accidente llaboral con derechu a indemnización al que se produza dende la salida de casa al trabayu y viceversa.
  8. Mantenimientu en condiciones dignes d’edificios, viviendes del profesoráu rural ya instalaciones de les escueles rurales.
  9. Estensión de la regulación a otros colectivos obligaos a itinerar por razones de serviciu (equipos sicopedagóxicos, asesores de formación, inspectores, etc.).
  10. Xeneralización de la ufierta de la ESO na zona rural. Ufierta específica d’Educación de persones adultes con condiciones d’escolarización y recursos afayadizos.
  11. Introducción de programes específicos y apropiaos a la complexidá de xestión de los centros incompletos y/o d’ámbitu rural.
  12. Adautación de les rutes de tresporte escolar a les necesidaes del alumnáu.
  1. Estabilización de les plantiyes de les escueles rurales con incentivos que favorezan la continuidá del so profesoráu: contratos de más d’un añu pa personal interino, puntos específicos nel concursu de tresllaos, acondicionamientu y ufierta de les viviendes de les escueles rurales, reducción de les hores llectives a les direcciones de los centros rurales pa poder desempeñar con eficacia’l so llabor alministrativu.
  2. Aumentar la ufierta de Formación Profesional nel mediu rural, tanto de families profesionales venceyaes al texíu socioeconómicu y llaboral yá esistentes nos nuesos pueblos(agricultura, ganadería, turismu sostenible, artesanía), como d’otres nueves qu’ayuden a diversificar, complementar y ampliar el desarrollu de la economía rural, aprovechando sosteniblemente los recursos de los que se dispón (TICS, enerxíes renovables, tecnoloxíes llimpies, arquitectura ecolóxico-natural, cooperativismu, procesamientu de productos agroalimentarios, etc). Les ratios esixíes pala conservación de los ciclos formativos tienen de ser flexibles y reducíes.
  3. Potenciar la educación a distancia col usu d’Internet y lesinfraestructures esistentes p’averar a les persones adultes la ufierta d’educación post-obligatoria, de réxime especial y la non reglada. Garantizar na eduación a distancia les infraestructures precises.

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339