Pola meyora la Educación Secundaria

1. Configuración y potenciación d’una rede pública de centros que garantice’l derechu a la educación del alumnáu, independientemente de les circunstancies xeográfiques y sociales, y ensin mengua de la ufierta educativa nin de les condiciones llaborales del profesoráu.
2. Garantía en tolos llugares o zones d’una ufierta educativa lo más amplia posible, que garantice la mayor igualdá en tolos centros. Amplia ufierta de les Enseñances de Réxime Nocherniegu. Amplia ufierta de toles modalidaes de Bachilleratu y incluyíu’l Bachilleratu d’artes. Ufierta obligatoria pa tolos centros de toles asignatures troncales y de modalidá.
3. Reducción de les ratioshasta asitiales nun máximu de 18 en tola ESO y 20 en Bachilleratu; creación de grupos flexibles y desdobles pa garantizar l’atención a la diversidá. Garantizar les hores de llaboratoriu, idiomes…La Tecnoloxía y les materies qu’impliquen talleres nun tendrán de perpasar los 15 alumnos/aes por aula. Non a les ratios mínimes pa grupos de desdobles, llaboratorios… Aumentu la ufierta d’asignatures optatives y eliminación del númberu mínimu d’alumnos/es pa impartiles.
4. Dotación nos Departamentos d’Orientación de los fisioterapeutes, intérpretes de llingua de signos u otros profesionales que precisen en función del alumnáu de NEAE.
5. Mantenimientu de les plantiyes:

* Non al desplazamientu de profesoráu por falta d’horariu. Asignación de toles places en concursu de tresllaos, incluyíes les resultes.
* Supresión de la impartición d’”asignatures afines”.
* Creación de los departamentos didácticos correspondientes a caúna les      especialidaes contemplaes nos decretos d’especialidaes.

6. Reducción del horariu llectivu: 15 hores lectives hores de docencia directa tolo más pa tol profesoráu. Non a les hores estraordinaries.
7. Derogación del Real Decretu 14/2012, de 20 d’abril, de midíes urxentes de racionalización del gastu públicu nel ámbitu educativu que supunxo l’empeoramientu de les condiciones llaborales del profesoráu asturianu.
8. Non a la enseñanza de la relixón na Enseñanza Secundaria y Bachilleratu. Mientres sigan esistiendo, en nengún casu puen cuntar pa les notes medies académiques.
9. Reconocencia de les llingües d’Asturies y creación de los departamentos correspondientes. Plan d’acoyida integrador pa l’alumnáu inmigrante que desconoza la llingua castellana, asturiana o’l gallego-asturianu y dotación de profesoráu específicu que collabore na inmersión llingüística.
10. Meyora del enseñu d’idiomes cola constitución de grupos reducíos, fomentu de la presencia d’auxiliares de conversación y de los intercambios escolares.
11. Formación específica del profesoráu pa l’atención a la diversidá y la igua de conflictos.
12. Non a la especialización curricular de centros. Non a la reserva de places pa la especialización curricular.
13. Impulsu de les midíes necesaries –programes, organización, formación del profesoráu – pa fomentar la coeducación y sensibilidá sobre’l valor positivu de la igualdá de derechos y oportunidaes ente muyeres y homes, y l’aprendimientu de modelos sociales non sexistes, asina como’l refugu a la violencia machista. Establecimientu y desarrollu d’un plan d’igualdá en tolos centros educativos, con reducción d’horariu pal profesoráu que lu coordine y desarrolle.
14. Impulsu de programes que potencien el respetu a la diversidá sexual ya identidá de xéneru, previniendo l’acosu y discriminación por esta razón a cualquier persona de la comunidá.
15. Non a les reválides d’ESO y BACHILLERATU. Reconocimientu de les calificaciones y el trabayu diariu del profesoráu.