Home > Eleiciones2018 > Pola meyora la Educación Infantil

Pola meyora la Educación Infantil

  1. Integración del primer ciclu d’Educación Infantil 0 a 3 años nel sistema educativu públicu dependiendo la so organización, xestión y funcionamientu directamente de la Conseyería d’Educación, Cultura y Deporte.Non a los consorcios, entidaes non públiques u organismos públicos autónomos pa la xestión d’estes enseñances.
  2. Creación de más Escueles Infantiles de 0 a 3 años p’atender les necesidaes demandaes poles families, prestando especial atención a les zones rurales. Designación d’una directora o director pa cada Escuela ya instauración de la “pareya pedagóxica” como personal de referencia pa cada unidá de la escuela.
  3. Adautación de los centros d’esta etapa a les característiques y necesidaes del alumnáu -patios, aseos, aules… – y eliminación de toles estorbises arquitectóniques.
  4. Ratios máximes nel segundu ciclu d’educación Infantil: tres años: 12; cuatro años: 14; cinco años: 14; aules mistes de tres y cuatro años: 10; mista de cuatro y cinco años: 12. Mista de tres, cuatro y cinco: 8. Mengua de les ratios en función del alumnáu con NEAE, integrando como máximu dos alumnos/es por grupu y garantizando pa ello apoyu permanente d’especialistes.
  5. Mayor cantidá d’apoyos dientro l’aula, que favoreza una meyora nes condiciones llaborales del profesoráu y una mayor atención al alumnáu. Cubrir toles necesidaes de plantiya xeneraes pola ocupación de cargos directivos por parte de personal d’EI. Un profesor/a d’apoyu por cada tres unidaes: ún/a por tres unidaes, dos por seis unidaes, tres por nueve,etc.
  6. Formación específica y continua pal profesoráu dientro l’horariu llaboral, faciéndola acordies a les nueves necesidaes educatives y contestualizada nes necesidaes del centru.
  7. Atención al alumnáu con NEE por personal especialista en Pedagoxía Terapéutica (PT), Audición y Llinguaxe (AL), fisioterapeuta y técnicos superiores d’educación; incluyendo tamién llabor preventivu pa tol alumnáu. Mayor dedicación horaria per parte l’Equipu multidisciplinar.
  8. Plan d’acoyida integrador pal alumnáu inmigrante. Mantenimientu y refuerzu de les aules d’inmersión llingüística. Plan específicu pal alumnáu que desconoza’l castellán, asturianu o gallego-asturiano.
  9. Períodu d’adaptación n’Educación Infantil de 3 años, con una duración mínima d’un mes.
  10. Non al enseñu de la relixón na etapa d’Educación Infantil.
  11. En tolos centros educativos: técnicos superiores d’educación, personal d’alministración y servicios, personal de llimpieza en tol horariu llectivu, cuidadores nel almuerzu y xinta, y personal d’enfermería.
  12. Profesoráu cola especialidá de Llingua Asturiana o Gallego-Asturiano nos Centros d’Educación Infantil ya introducción d’elles nel currículu d’Educación Infantil con horariu equiparáu al restu d’árees llingüístiques.Inclusión de la mención de Llingua Asturiana nel plan d’estudios de maxisteriu n’Educación Infantil.
  13. Impulsu de les midíes necesaries –programes, organización, formación del profesoráu- pa fomentar la coeducación y sensibilidá sobre’l valor positivu de la igualdá de derechos y oportunidaes ente muyeres y homes, y l’aprendimientu de modelos sociales non sexistes dende la etapa más temprana de socialización.
  14. Reducción de trés hores llectives pa tol profesoráu d’Educación Infantil.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339