Esta entrada está disponible en: Castellano (Castellanu)
- Negociación real y efectiva na Mesa Sectorial d’Educación de les condiciones llaborales y retributives del profesoráu.
- Negociación d’un nuevu sistema retributivu que torgue la división salarial del profesoráu asturianu. Xuba llinial pa toos y toes y que subsane la perda de masa salarial d’estos últimos años. Cuerpu únicu pa tol profesoráu con un sueldu base A1 yun nivel 26 de complementu de destín.
- Refugu a un sistema retributivu basáu nes evaluaciones arbitraries. Les retribuciones tienen de basase nun repartu homoxéneu de la masa salarial ente’l profesoráu.
- Derogación de la Llei d’Evaluación y los sos incentivos, por ser contraria al principiu d’igualdá retributiva. Non al complementu de productividá impuestu dende ámbitos ayenos al profesoráu.
- Recuperación del poder adquisitivu perdíu y corrección del deterioru salarial que los docentes arrastren hai años.
- Actualización salarial añal en rellación cola medría del costu la vida.
- Desapaición de los contratos a tiempu parcial y de les hores estraordinaries pa tresformalos en nuevos puestos de trabayu y xornaes a tiempu completu.
- Non a la privatización de les pensiones. La masa salarial de los planes de pensiones ha dir al xornal de cada trabayador o trabayadora.
- Recuperación de les ayudes de carácter social.
- Cobru de los complementos específicos per parte les persones que sustituyan cargos unipersonales de baxa y permisos.
Esta entrada está disponible en: Castellano (Castellanu)