Home > Eleiciones2018 > Pola meyora de la Formación Profesional

Pola meyora de la Formación Profesional

  1. Derogación de la Llei de les Cualificaciones y de la Formación Profesional y del Títulu II, Capítulu VII de la Llei d’Economía Sostenible. Estes lleis contemplen la privatización de la FP y permiten la incorporación de los centros privaos y empreses al sistema educativu cola posibilidá d’apurrir títulos de validez académica y llaboral. Estes lleis tamién suponen la privatización de los centros de FP y l’usu de les sos instalaciones y materiales per parte de les empreses.
  2. Tolos recursos públicos tienen de dir destinaos a la FP de los centros públicos. Non a los conciertos. Potenciación de la FP reglada. Non a una formación insuficiente dirixida a formar persones pa trabayos precarios.
  3. Control públicu de les actividaes formatives de FP. Control públicu esclusivu sobre los títulos y certificaos profesionales. Cambéu de les normes que regulen la composición de los Conseyos de la Formación Profesional pa que pasen a ser representación de la comunidá educativa.
  4. Permisos a cargu de la Conseyería p’actualizar la formación del profesoráu de FP naquellos ciclos que requieren profesoráu especialista.
  5. Impartición de la formación ocupacional y continua en centros públicos.
  6. Xestión democrática de los Centros Integraos de FP, empezando pola potestá de la elección de los cargos directivos per parte de la comunidá educativa del centru.
  7. Cursos de formación ocupacional y de formación continua incluyíos na programación añal del centru; l’horariu correspondiente a estos cursos tien d’integrase na plantiya del centru y deben crease los puestos de trabayu necesarios, ensin recurrir a les hores estra. Non a la Formación Profesional como negociu.
  8. Ampliación de les plantiyes de profesoráu de FP que facilite la formación y adaptación a los distintos ciclos. Ampliación de la ufierta de FP en tolesfasteres asturianes.
  9. Ratio máxima de 15 alumnos/es por aula. Desdoblamientu de los módulos prácticos.
  10. Regulación de los Centros Integraos de FP que garanticen el so calter públicu.
  11. Dotación d’equipamientos actualizaos a toles families profesionales de tolos centros de FP.
  12. Diseñu y puesta en práctica d’una Formación y Orientación Llaboral dirixida hacia una cultura solidaria y participativa nel mundu del trabayu.
  13. Asignación d’horariu pa llabores de caltenimientu de talleres y llaboratorios.
  14. Non al Decretu que regula los Centros Integraos de Formación Profesional del Principáu d’Asturies que dexa que les direcciones de los centros contraten a parte del profesoráu. Tamién dexa que la Conseyería d’Educación nome a deu a les persones encargaes de la direcciones del centros.
  15. Usu del sistema de llistes de profesoráu interín y bolses de trabayu pa la contratación del 100% del profesoráu qu’imparte la formación reglada, ocupacional y continua nestos centros.
  16. Asignación d’horariu bastante pa l’atención de tutoríes en ciclos formativos a distancia. Igualdá nel cómputu d’hores docentes pa los módulos impartíos na modalidá presencial y distancia.
  17. Garantizar una formación continua de calidá pal profesoráu, especialmente nel momentu del establlecimientu de nuevos ciclos formativos.
  18. No que cinca a les practiques nes empreses, dar prioridá a les rellaciones y convenios con aquelles que tengan un compromisu de contratación del alumnáu.
  19. Fomentu per parte de la Conseyería d’Educación d’acciones empobinaes a la ellaboración de materiales de calidá que sirvan de sofitu nel llabor docente del profesoráu de ciclos formativos.
  20. Diseñu y puesta en práctica de midíes que potencien la elección d’estudios y profesiones llibre de sesgos sexistes per parte l’alumnáu de les diferentes families profesionales.
  21. Campañes y midíes empobinaes a sensibilizar a les empreses na superación de los estereotipos sexistes y la igualdá de xéneru.
  22. Refugu a la FP Dual nos términos nos que ta plantegada, yá que, supón mano d’obra casi de baldre pa la empresa a cambiu d’una formación limitada.
  23. Hacia de la FP como una etapa formativa al serviciu de la sociedá y les persones, non solo al sistema productivu.

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778