Pola meyora de la convivencia nos centros educativos

1.Énte la esistencia de violencia específica que daña la convivencia nos centros educativos, desarrollu de programes educativos que prevengan y eliminen les actitues antisociales y la violencia de cualesquier forma.

2. Puesta en práutica, en tolos centros educativos,de midíes d’actuación contra l’acosu escolar y contra la violencia de xéneru. Refugu énte cualquier conteníu y esaltación de la violencia física, psicolóxica, verbal, xestual, sexual, motivada por sexismu, LGTBfobia, racismu, xenofobia o cualquier otra causa que dañe la convivencia nos contestos escolares, o constituya una discriminación pa cualquier miembru de la comunidá educativa.
3. Fomentu de la convivencia, per aciu la democratización de los centros, p’ameyorar les rellaciones ente los diversos estamentos que componen la comunidá educativa. Instauración de la coeducación como la única educación posible pa fomentar los valores sociales y cívicos d’ayuda, collaboración, cooperación, solidaridá y pa desarrollar la empatía, la escucha activa, les habilidaes sociales, el diálogu y la igua pacífica de los conflictos.
4. Esixencia a les Alministraciones Públiques de la prevención y abordaxe de los problemes de convivencia nel so raigañu social, comprometiéndose na llucha efectiva pola reducción de les desigualdaes sociales al traviés de polítiques compensadores.
5. Inxerción ya integración dafechu de la prevención de los conflictos y de la violencia nes dinámiques escolares; puesta en práutica de los planes preventivos esistentes contra’l maltratu escolar y contra la violencia de xéneru y LGTBfobia nel ámbitu educativu, y ellaboración de “planes específicos” pa problemes concretos, cola participación real de tolos sectores de la Comunidá Educativa. Formación específica n’igualdá de xéneru nel currículu, y formación en mediación ya igua de conflictos “dende” y “nos” departamentos d’orientación.
6. Dotación de personal bastante pa garantizar una atención apropiada en función de la cantidá d’alumnáu del centru y del so perfil social y académicu. Incrementu de los recursos pa encarar los nuevos retos de la convivencia: reducción de les ratios y del númberu de grupos por profesor/a; aumentu de les plantiyes nos centros públicos, incluyendo profesionales d’otros ámbitos (trabayu social, mediación, enfermería…)
7. Desarrollu plenu de sistemes d’atención a la salú psicosocial pa tol profesoráu, con adaptación de les reconocencies a les especificidaes de les situaciones de convivencia y a los distintos perfiles de centros y de puestos de trabayu.
8. Estudiu del impactu de les nueves tecnoloxíes na convivencia escolar, fundamentalmente de la violencia y l’acosu per mediu de les redes sociales, y puesta en marcha de los planes d’actuación correspondientes pa evitar tou tipu d’acosu ente l’alumnáu y hacia o ente’l profesoráu.
9. Estensión de los valores participativos y la corresponsabilidá na xestión de la convivencia a tola Comunidá Educativa, fomentando’l trabayu con otres instancies y figures como los/les educadores y los servicios sociales, conceyos, organizaciones sociales y ciudadanía en xeneral.
10. Compromisu total con los y les trabayadores de la enseñanza pública, impulsando la valoración social del llabor docente, ampliando y meyorando l’asistencia xurídica y el sofitu institucional. Campañes institucionales de dignificación del oficiu docente, empezando pola meyora de les condiciones llaborales y la merma del horariu llectivu del profesoráu, la estabilidá del profesoráu interín y la dotación de les places necesaries pal exerciciu apropiáu de la docencia nel marcu de la educación inclusiva.