Home > Eleiciones2018 > Pola cultura preventivo y la seguridá y salú nel trabayu

Pola cultura preventivo y la seguridá y salú nel trabayu

  1. Non a la penalización salarial por enfermar. Derogación de la normativa actual relativa a la reducción d’haberes en casu d’incapacidá llaboral transitoria. Pagu del 100 % de les retribuciones en tolos casos d’IT. Validez de la declaración responsable de la persona nel casu d’enfermedá que xenere ausencia nel trabayu de menos de 4 díes.
  2. Activación de los Comités de Seguridá y Salú Llaboral, nel ámbitu de la Conseyería d’Educación, como un órganu democráticu de participación y xestión de la meyora de la salú llaboral del profesoráu per mediu de los delegaos y delegaes de Prevención. Esiximos la incorporación a los centros de la figura del coordinador/a de Prevención de Riesgos Llaborales, que tien que poder apartar una parte del so horariu llaboral pal cumplimientu d’estes xeres.
  3. Revisión, con calter añal, de la salú de les y los trabayadores. Evaluación añal de Riesgos y Planes de Prevención nos centros educativos. Inclusión d’asesoramientu técnicu en tolos Planes d’Autoprotección y d’Emerxencia.
  4. Cumplimientu estrictu de la Llei de Prevención de Riesgos Llaborales. La prevención tien d’integrase nel funcionamientu, la xestión, les actividaes y los distintos niveles de l’Alministración educativa.
  5. Desarrollu integral de Planes de Prevención, con participación de les y los trabayadores y de los sos representantes nes distintes fases y desarrollos: establecimientu, aplicación, evaluación de riesgos, planificación, organización preventiva y accesu a la documentación.
  6. Midíes pa l’adaptación de los puestos de trabayu pa les y los trabayadores de la enseñanza que sufrieron daños na so salú por grave riesgu profesional -esposición a axentes biolóxicos, nódulos de les cuerdes vocales, síndrome del quemáu, enfermedaes músculu-esquelétiques, estrés, mobbing, etc.- o que lo precisen poles sos característiques personales, discapacidá física, psíquica o sensorial. Establecimientu de programes específicos pa situaciones de riesgu como itinerancia, embaranzu o llactancia.
  7. Ufierta, perparte les alministraciones, de módulos de formación sobre Salú Llaboral dirixíos a quien coordine los riesgos llaborales de cada centru y al conxuntu del profesoráu, qu’incluyan la perspectiva de xéneru nesti ámbitu.
  8. Ampliación del catálogu de les enfermedaes profesionales docentes. Cambeos lexislativos -la Llei de la Seguridá Social y la llista d’enfermedaes ye de 1978- y reconocencia del conceutu de “dañu pa la salú”. Entamu inmediatu de los protocolos de solicitú y xestión. Esames de salú y estudios epidemiolóxicos que rellacionen enfermedaes profesionales y condiciones de trabayu.
  9. Consideración específica de les evaluaciones de riesgos, protocolos y procedimientos d’actuación sobre les condiciones psicosociales del trabayu na enseñanza. Intervención sobro los factores que les xeneren -altes demandes, baxu control, falta d’apoyu social…- y nes consecuencies que provoquen -estrés, acosu, síndrome del quemáu, violencia llaboral…
  10. Estudiu y evaluación per parte la Conseyería d’Educación de los riesgos emerxentes y de constatación al llargu plazu: campos electromagnéticos, ruíu, ambiente contaminante, productos químicos, broza…
  11. Asistencia psicolóxica nos problemes que puean plantegase nel exerciciu de l’actividá profesional.
  12. Presencia nos centros de profesionales sanitarios bien con carácter itinerante o de manera permanente p’apoyar la educación en salú y atender les necesidaes permanentes y urxencies sanitaries. Non ala obligación d’alministrar melecines per parte’l profesoráu.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339