Home > Eleiciones2018 > Pol sindicalismu asambleariu y alternativu

Pol sindicalismu asambleariu y alternativu

  1. La participación del profesoráu ye imprescindible pal fortalecimientu de la Escuela Pública y la meyora de les condiciones de trabayu. Por eso, en SUATEA defendemos y practicamos el sindicalismu asambleariu. Les asamblees son la espresión del nuesu modelu sindical, alternativu al d’otres organizaciones burocratizaes.
  2. En SUATEA reivindicamos l’exerciciu efectivu del derechu a la negociación colectiva en tolos temes qu’afecten a les sos condiciones de trabayu y a les sos retribuciones.
  3. En SUATEA, identificaos col modelu sindical asambleariu y participativu, facilitamos tola información de que se dispón. Asina, el profesoráu conoz los temes que se tán negociando y puede formase un xuiciu propiu sobre ellos. Defendemos el derechu del profesoráu a axuntase n’asamblea les vecesque considere necesario frente a la tendencia neolliberal que recorta llibertaes en tolos espacios.
  4. Enantes d’aceptar o refugar les propuestes de les alministraciones, en SUATEA adoptamos el compromisu de convocar les asamblees y consultes que faigan falta pa que’l profesoráu puea decidir sobre les cuestiones que-yafecten.
  5. Proponemos modificar la Llei d’Órganos de Representación, pa que’l votu del profesoráu tenga idéntica representatividá que la establecida n’otros sectores de les Alministraciones Públiques.
  6. Esiximos la elección de delegaos y delegaes en cada centru educativu.
  7. Pidimos el cambéu de la Llei d’Órganos de Representación, p’afitar unes competencies reales de les Meses Sectoriales y les Xuntes de Personal.
  8. Defendemos un repartu equitativu y xustu del padremuñu sindical acumuláu ya qu’esti padremuñu vien de cuotes obligatories de tolos y toles trabayadores.
  9. Non a los Decretos de servicios mínimos. Defendemos l’autorregulación del exerciciu del derechu a la fuelga.
  10. Defendemos la rotación nos puestos de responsabilidá, la llimitación temporal de mandatos dientro’l sindicatu y que la responsabilidá sindical y la representación del profesoráu se compatibilice, na midida de lo posible, col exerciciu de la docencia y el centru de trabayu.
  11. El financiamientu del sindicatu depende puramente de les cuotes y aportaciones de l’afiliación. Refugamos el sindicalismu qu’utiliza la formación (los cursos de formación) pa favorecer el clientelismo y con fines codalosos.

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778