Home > Comunicaos > Pol aumentu del salariu mínimu, les pensiones mínimes y la renta básica

Pol aumentu del salariu mínimu, les pensiones mínimes y la renta básica

LA CONFEDERACIÓN INTERSINDICAL A LA QUE PERTENEZ SUATEA POL AUMENTO DEL SALARIU MÍNIMU, PENSIONES MÍNIMES Y RENTA BÁSICA A 1.080 €.
¡Ye posible! ¡Ye necesario!

La inxusticia nel repartu de la riqueza, los baxos salarios y pensiones, la precariedá, la desregulación de les condiciones llaborales, la desvaloración de la negociación colectiva y la falta del respetu a los derechos llaborales de los y les y trabayadores creen un escenariu nel que la desigualdá, la probitú y l’esclusión social se faen crónicos. Les coles de la fame son un llastre para millones de persones. Millones de persones con pensiones que nun superen los 600 euros, paraos ensin empléu y prestaciones de miseria, mocedá en precario con salarios que nun dan para vivir dignamente. Esta ye la realidá.

Mientres, los beneficios de les grandes empreses y la banca privada siguieron creciendo y munchos d’ellos siguen abandonando’l país pa terminar en paraísos fiscales. Énte les polítiques neolliberales desenvueltes polos gobiernos a lo llargo d’años que faen de la esplotación, les desigualdaes y el empobrecimientu de los y les trabayadores y del país la so prioridá, la resistencia, la llucha y la reivindicación dende los centros de trabayu y les cais, son indispensables p’atopar respuestes a los problemes concretos y romper asina coles polítiques neolliberales.

Pa la Confederación Intersindical, l’aumentu del salariu mínimu, de les pensiones mínimes y de la renta básica ye un imperativu de xusticia social, de meyor distribución de la riqueza y un factor de dignificación del trabayu y de les condiciones de vida d’importantes sectores de la población que viven en situaciones de probeza y esclusión social.

Consiguir pensiones mínimes, salariu mínimu y renta básica de 1.080 € ye posible con voluntá política de cualquier gobiernu progresista. Asina que los medios económicos tienen de tar al serviciu de la mayoría de la población.

Por ello, proponemos que se mengüen drásticamente los 20.000 millones d’euros en gastos militares innecesarios, que se corten les donaciones de 11.000 millones añales a la Ilesia Católica, que s’aparen les ayudes públiques a grandes empreses, multinacionales y bancos que-yos permiten socializar les perdes mientres se privaticen les ganancies. Y ye fundamental YÁ que se faiga una reforma fiscal onde fortunes, grandes empreses y bancos, coticen al 49 % como na mayoría de países d’Europa. Dineru hailo, solo falta voluntá política pa una redistribución xusta de la riqueza.

Ye necesario, urxente y posible l’aumentu del salariu mínimu, de les pensiones mínimes y de la renta básica hasta los 1.080 € pa combatir asina’l emprobecimiento y l’esplotación, que moces y muyeres precarizaes tengan una vida digna y con derechos, ameyorar, polo xeneral, les condiciones de vida de la clase trabayadora, pensionistes y sectores populares, y tamién reforzar los Servicios Públicos p’alzar la calidá d’ellos.

Porque ye posible y ye necesario dende la Confederación Intersindical esiximos que s’aumente el salariu mínimu, les pensiones mínimes y la renta básica a 1.080 €.

Secretariáu de la Confederación Intersindical

Esta entrada también está disponible en: Castellanu