Plantiyes 24-25: Bien perbaxo de les necesidaes

Propuesta de plantiyes 2024-25: bien perbaxo de les necesidaes educatives reales

Na mañana del 15 de marzu, hubo una Mesa Sectorial telemática ente la Dirección Xeneral de Personal Docente, la Dirección Xeneral de Función Pública y los sindicatos que formen parte de la Mesa Sectorial d’Enseñanza non universitaria pa negociar les plantilles docentes de los centros públicos de cara al cursu 2024-2025.

Según los datos facilitaos pol director xeneral de Personal Docente, el númberu total de puestos pal cursu que bien ye de 9.510. Esti cursu son 9.524, lo que nos indica que mengua en 14 puestos. Esta cifra, que ta  pendiente d’una mesa técnica de negociación, namás incorpora’l 20% de les alegaciones de los centros. 

En cuanto al aspectu formal, como tolos años, expresamos la nuestra disconformidá porque nun se faciliten los datos pertinentes pa la negociación nun formatu -tipufueya de cálculu- que permita analizar y comparar la evolución cursua cursu, nin los datos que tienen que ver col númberu d’unidaes de cada centru; estes últimes, anque determinen la plantilla, nun se someten a negociación. En plenu sieglu XXI, siendo la Competencia Dixital una competencia básica que propugna la LOMLOE y qu’esíxese a tol profesoráu yá dende’l procedimientu d’inscripción nes prebes d’ingresu, consideramos que’l fechu de nun facilitar a les organizaciones sociales los datos necesarios pa la negociación nun formatuafayaizu pa tratalosnamás puede interpretase de dos formes: incompetencia de l’alministración o falta de tresparencia cola parte social.

En cuanto al conteníu, SUATEA considera quela propuesta presentada inicialmente ta bien perbaxo de les necesidaes reales de profesoráu que precisen los centros y que compensen una migaya, más tarde y ensin negociación, con esa otra plantiya paralela illegal de “necesidaes autorizaes”, d’ehí que la plantilla orgánica nunca recueye la totalidá de los puestos docentes necesarios, que son los qu’ocupó’l personal interín más años de los establecíos llegalmente, y que tiníen que tar estabilizaos:107 centros educativos (más de la cuarta parte) nun tienen toles especialidaes cubiertes na  plantiya.

Amás: 

• Nun se contempla la reducción a veintitrés hores lectives en Cuerpu de Maestros, nin la reducción de dos hores pa tol profesoráu mayor de 55 años. Cumplir con estes demandes llegales, asumíes yá por munchos territorios, fae necesario incrementar les plantilles, aproximadamente, 700 puestos.
• Reducir la xornada lectiva del cuerpu de maestros a 23 hores supón más de 400 puestos. Esta yela demanda de toles organizaciones de la Xunta de Personal Docente y una recomendación de la Llei 4/2019, de 7 de marzu, de meyora de les condiciones pal desempeñu del llabor docente.
• Nel últimu censu electoral (2022) hai 3.158 persones mayores de 55 años, poro estimamos que se precisen más de 300 plazas pa reducir laxornada lectiva en 2 hores selmanales.
• Llama l’atención la mengua de puestos na enseñanza básica los últimos años, principalmente  n’Educación Infantil y Educación Primaria. Anque quiera xustificase esta perda polabaxanos nacimientos, lo cierto ye qu’esta baxada paezqu’estabilice  (Ver tabla). 

Caltener los puestos, incluso incrementarlos, ye necesario pa poder dar una respuesta afayaiza como serviciu públicu, al altor de la llegalidá vixente n’inclusión, coeducación, bienestar emocional o dixitalización. Too esto implica necesariamente baxar les ratios nes aules y el refuerzu de les plantiyes, midíes que nun s’apliquen a la vista de la propuesta presentada.  Hai que recordar equí que, nos primeros años de la década del 2000, con un índiz de natalidá superior al actual, autorizóse una ratio máxima de 20nel segundu ciclu d’Educación Infantil, mientres agora proclámase como midida estrella escomencipiar a reducir la ratio a 23 alumnos/es por profesor/a  progresivamente, de manera que cada cursu afecte a un nivel educativu. El compromisu del Gobiernu coles etapes básiques ha ser fundamental, porque son el pegollu del sistema educativu, de les plantiyes del restu de les etapes y, en definitiva, de la supervivencia de los centros públicos. Nun se puedenzarrar unidaes d’Infantil y Primaria na Enseñanza Pública y siguir subvencionando les de los centros privaos. Nos presupuestos d’esti añu  inviérteseun 5,5% más na educación privada subvencionada.

• Nun se cubren toles unidaes de Primaria con profesoráu que pueda impartir la totalidá de les árees/materies asignaes a esta especialidá nel grupu que tutoriza, lo que supón una sobrecarga de trabayu pa les y los especialistes que tienen tutoría y un déficit na acción tutorial, porque axústase estrictamente a los mínimos que manda la normativa.
• Nun se propón un aumentu de puestos d’Orientación. Poro, nun se refuercen los equipos, y sigue ensin contemplase puestos d’esta especialidános Centros Integraos de FP. Tampoco  medrengran cosa los puestos de Servicios a la Comunidáo otros perfiles especialmente indicaos p’asumir adecuadamente la promoción del bienestar emocional, o la prevención, detección y intervención na conducta suicida.
• Nun se tien en cuenta los puestos de Llingua Asturiana y Gallego-asturiano, ocupados un añu sí y otru tamién por personal interín en fraude de llei que nin siquiera fueron estabilizaos nos puestos colos procedimientos establecíos pola  Llei 20/2021, de 28 d’avientu, de midíes urxentes pa la reducción de la temporalidánel empléu públicu.
• Estabilícense los puestos billingües mientres falta una normativa clara pa la so regulación, y una evaluación detallada de la so incidencia en tolos niveles educativos.

Una vez más preséntase una propuesta de plantiyes que, en cuenta apostar pola Escuela Pública, sigue sacrificándola, poniendo pilancos a la estabilización del personal nos centros, negando la posibilidá de desdobles y, en definitiva, dexandoal profesoráuabandonáua la hora de caltener, con muncho voluntarismu, la calidá que precisa y merez la nuestra mocedá. Con esta propuesta de plantiya nun ameyora la situación llaboral del profesoráu asturianunin la calidá educativa.