hand of a man squeezing an orange on a white background. photography for advertising

Oposiciones docentes. La Conseyería estrume física y mentalmente

Esta entrada está disponible en: Castellano (Castellanu)

Como tolos años, cuando empieza’l desenvolvimientu de los procesos selectivos, lléguennos a SUATEA numberoses quexes per parte de docentes que constitúin los tribunales d’oposición.  N’Asturies, la selección de los cuatro vocales titulares y cuatro suplentes que componen cada tribunal faese por aciu de un sortéu nel que participa cuasi tola plantiya de personal funcionario de carrera. Docentes en situación de serviciu activu que, a les funciones propies de final de cursu -especialmente cargaes de xeres burocrátiques: correcciones, evaluaciones, calificaciones, ellaboración de boletinos, informes y contactos coles families- tienen de sumar les xuntes, xestiones y, en dellos casos, hores estra de formación necesaries para llevar a cabu’l so cometíu como miembros de tribunal. Ye un periodu con eleváu estrés llaboral al que se añade la xera de formar parte d’unos tribunales que, nos últimos años, empiecen la so actividá primero que se produza’l final de les clases col alumnáu.

Dalgunes d’estes xeres repercuten, especialmente, en quien ostenten los cargos de Presidencia y Secretaría con sesiones de formación, planificación temporal de los procesos de selección, organización d’espacios y toma d’actes de cada xornada pa garantizar el correctu funcionamientu del procesu selectivu.

Como resultáu d’esta doble xera simultánea, prodúcense alteraciones nel funcionamientu de los centros al faltar, per un llau, el grupu de persones interines que, de la mesma, se presenten al procesu selectivu y, per otru, el personal funcionario que conforma los tribunales.

L’entamu y desenvolvimientu del procesu selectivu conviértese, pa los miembros de cada Tribunal, nun difícil cometíu al que nun se pueden oponer y si faen, o tresmiten dalguna quexa, dende la Conseyería recuérdase-yos que se van pagar los servicios emprestaos. Yá se sabe,… col dineru pueden mercase munches voluntaes anque, de mano, nunca se sepa nin cuánto, nin cuándo se va a cobrar.

Nes últimes convocatories, adelantróse l’entamu del procesu selectivu cola idea qu’ésti remate  primero qu’acabe el mes de xunetu. Anque nun ye oficial, porque hai coses que nunca se dexen por escritu, anguaño fálase d’instrucciones pa que to0 tea rematao’l día 15 de xunetu. Pa cumplir con esta fecha, ta forzándose a los Tribunales a trabayar a un ritmu que degola, con muncho, lo que ye una xornada llaboral regular de 8 hores, llegando a entamar llectures d’hasta 16 opositores per día. Si a esto añedimos el tiempu de desplazamientu hasta les sedes, más el necesariu para cumplir coles xeres burocrátiques diaries, ye fácil escuchar testimonios que rellaten xornaes llaborales superiores a les diez hores.

Resulta imposible ameyorar la planificación p’ amenorgar les xornaes cuando nun hai plazu abondu para rematar los procesos. Dende la Conseyería embrívese l’esfuerzu a realizar y alúdese siempres a que va ser un trabayu pagáu. Lo que nun s’anuncia públicamente ye que, a diferencia d’otros años, nun se van pagar les hores de formación; o qu’acabando a metá de xunetu, llógrase un significativu aforru en conceutu de dietes y itinerancias.

Aludir a la profesionalidá de los miembros de los Tribunales pa cumplir col so cometíu, pero resálvase plantegar cuálos son les condiciones nes que tienen d’encarar un trabayu nel qu’hai que decidir wl futuru llaboral al qu’opten dellos miles de persones que tuvieron, de la mesma, trabayando mientres tol cursu y preparando les oposiciones coles mesmes.

Dende SUATEA queremos denunciar esta situación que solo podemos calificar d’esplotación llaboral.  Condergamos enérxicamente les condiciones llaborales que s’imponen nesti procesu y anunciamos que, como sindicatu, vamos tomar les midíes oportunes pa intentar qu’esti ataque a los derechos llaborales del profesoráu nun quede indemne, como n’años anteriores, y evitar, asina, la so cronificación. Por ello, pidimos a los tribunales que reflexen nes sos actes les hores d’entrada y salida de cada aspirante. Que quede constancia, de forma oficial, de la esplotación illegal a la que l’Alministración conderga a les sos trabayadores y anunciamos que tamos recoyendo’l máximu d’información disponible pa valorar si procede la presentación d’una denuncia énte la Inspección del Ministeriu de Trabayu. Nun podemos tolerar qu’una xera de tanta trescendencia se realice nunes condiciones llaborales que nun sían les óptimas pa garantizar el fayadizu desenvolvimientu d’un procesu selectivu nel que se xuega coles aspiraciones a un puestu de trabayu de miles de persones.

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757