Home > Profesoráu > Oposiciones 2019. Ufierta provisional de places por especialidaes.

Oposiciones 2019. Ufierta provisional de places por especialidaes.

Güei, día 19 d’avientu, la Conseyería d’Educación tresmitiónos el repartu places por especialidaes pa les oposiciones del Cuerpu de Mayestros de 2019 tal como se comprometieran na última de les  Mesas Sectoriales nel mes payares.

La distribución respuende supuestamente a un criteriu proporcional de repartu del númberu de places por especialidá en rellación a les vacantes ufiertaes a personal interino nel entamu cursu, na primera y segunda convocatories, que’l so resultáu sedría’l que s’amuesa na siguiente tabla:

Especialidá Nº  Vacantes :      1ª Convocatoria Nº  Vacantes :  2ª Convocatoria Nº Vacantes Totales Proporción estimada Ufierta provisional
Educación Primaria 370 8 378 227 176
Educación Infantil 301 8 309 186 225
Inglés 186 5 191 115 110
Música 90 1 91 55 50
Educación Física 107 1 108 65 70
Pedagoxía Terapéutica 159 5 164 99 110
Audición y Llinguaxe 55 4 59 35 40

A la vista la ufierta provisional plantegada güei en Mesa Sectorial pola Alministración, la nomada proporcionalidá ruémpese nel casu de la especialidá de Primaria por dos motivos, per un llau pola mor del llamáu “perfil billingüe”, per otru llau pol incumplimientu del Alcuerdu de plantiyes, robláu poles OOSS cola alministración nel añu 2000.

No que cinca al primeru de los motivos, la proporción vese minorada porque l’alministración considera que nun tienen d’ufiertase ciertes places que tienen un perfil billingüe”.

Tocantes al segundu motivu, sigue ensin tenese en cuenta’l citáu alcuerdu de plantiyes en cumplimientu del cual tendría de ser mayor el númberu de places d’esta especialidá, si se respetara la dotación d’un docente de la especialidá de Primaria por grupu-clase. L’incumplimientu d’esti alcuerdu, vien siendo oxetu de denuncia continua por parte SUATEA.

Uviéu, 19 d’avientu 2018

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339