Home > Muyer > Nuevu ataque a la llucha de les muyeres maltrataes

Nuevu ataque a la llucha de les muyeres maltrataes

El Ministeriu de Sanidá y Igualdá quier falsiar les estadístiques sobre violencia de xéneru.

El Ministeriu de Sanidá y Igualdá quier falsiar les estadístiques sobre violencia de xéneru.

Dende la O.M. de SUATEA plasmamos al sentir les pretensiones del Ministeriu de Sanidá y Igualdá de falsiar les estadístiques sobre violencia de xéneru.

Les muyeres maltrataes sufren un nuevu ataque y esta vuelta dende’l Ministeriu de Sanidá y Igualdá. Nun pue permitise escluyir de les estadístiques aquelles muyeres que sufren manca­ dures tanto físiques como psicolóxiques, anque nun requieran tar hospitalizaes. Les agresio­nes más frecuentes son les que nun requieren  hospitalización, polo que sacar esi datu de les estadístiques ye engañar y insultar a la sociedá.

Y esti despreciu cai sobre too per toes eses muyeres víctimes de malos tratos que tanto sofren a diario y que gracies a estes polítiques que se pretenden facer van ser ignoraes.

Dende la O.M. de SUATEA, pedimos al Ministerio que dedique los sos esfuerzos a entamar midides pa esaniciar la violencia de xéneru y les sos dañibles consecuencies nes víctimes.

Desiximos que se protexa a toles víctimes de violencia de xéneru, independientemente del tipu de violencia que s’exerza per elles: física o psicolóxica. Pidimos que se trabaye p’ayudar a toles víctimes y a los sos fíos y fíes a superar tolo que conlleva ser o tener sío víctima d’estes situaciones.

Desiximos que s’entamen polítiques empobinaes a esaniciar esa llaceria social, qu’avergoña a tola sociedá, al tiempu que desiximos l’acabu del engaño y la manipulación de la ciudadanía.

Nun podemos almitir que’l Gobiernu aplique la máxima de que lo que nun se conoz nun existe porque’l siguiente pasu supondría considerar únicamente como víctimes de violencia de xéne­ru a les muyeres muertes.

Nun queremos que mos mientan más, nun queremos qu’en 2014 mos digan que los datos so­bre violencia machista meyoraron enforma gracies a les sos polítiques porque esto sería UNA NUEVA GRAN MENTIRA.

COLES VÍCTIMES DE LA VIOLENCIA MACHISTA NUN SE XUEGA, VÍCTIMES SOMOS TOES Y TOOS.

Esta entrada tamién se puede consultar en: Castellanu