Home > Comunicaos > Nueva convocatoria nueves incertidumes

Nueva convocatoria nueves incertidumes

LA CONSEYERÍA D’EDUCACIÓN CONFIRMA NUEVA CONVOCATORIA D’INTERINIDÁ CUANDO INDA TA ABIERTU’L PLAZU DE LA PRIMER CONVOCATORIA.

A consulta directa de SUATEA, confírmasenos que va haber una segunda convocatoria d’aspirantes a interinidá na segunda quincena d’agostu. La conseyera confirmólo nel día d’ayeri en sede parllamentaria.

Como sabéis, nel calendariu d’axudicaciones publicáu nel mes de xunu, confirmábase que, como que nun se celebraben oposiciones, adelantrábase’l procesu d’axudicación de personal interino a finales de xunetu y dexábase la segunda convocatoria pal 15 de setiembre. De mano, anque pidimos que s’adelantrara la fecha de 15 de setiembre, consideremos que yera una bona midida porque suponía que munches persones conocíen los sos destinos con antelación y podíen organizase meyor de cara al próximu cursu. Pero la sorpresa llegó cuando se publicó la convocatoria’l pasáu 21 de xunetu y nun s’ufiertaben toles places esistentes. Llegáronmos múltiples quexes de los centros y de personal interino que con tola razón siente conculcados los sos derechos. Ye más, ente otros, hai colectivos, como’l personal d’atención a la diversidá, que se quexaron de la escasez de places sobre too de Pedagoxía Terapéutica y Audición y Llinguaxe, ente otres especialidaes de los equipos, unidaes y departamentos d’orientación; o’l profesoráu interín de Conservatorios de Música, a los que nun s’e-yos ufiertó nenguna plaza y que tienen convocada una concentración de protesta pal próximu martes en La Llaboral de Xixón.

Agora, la Conseyería, quiciabes por toles quexes recibíes y previendo que va faltar enforma personal nel empiezu de cursu en septiembre, enmienda y confirma que la segunda convocatoria adelántase a la segunda quincena d’agostu. Esta decisión llega cuando inda ta abiertu’l plazu de pidimientu de la primer convocatoria y les persones afetaes tán indignaes porque nun entienden que nun puedan aspirar a les places que s’acutaron pa la segunda convocatoria ensin más motivu que por falta de previsión y organización.

Dende SUATEA, vamos esixir qu’esta situación nun perxudique a naide y que solucionen tolos problemes xeneraos. La Conseyería tien que tomar soluciones inmediates que dexen que les persones convocaes el 21 de xunetu puedan aspirar tamién a les places que nun ufiertaron na primer convocatoria y que supuestamente s’ufiertarán na segunda quincena d’agostu

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348