Home > Condiciones llaborales > Novedaes Conseyería: calendariu axudicaciones, comisiones de serviciu y evaluación docente

Novedaes Conseyería: calendariu axudicaciones, comisiones de serviciu y evaluación docente

27/05/2020 Güei pela mañana aconceyemos les OOSS de la Xunta personal docente cola Conseyería d’Educación pa tratar dellos temes:

Calendariu d’axudicaciones pa personal funcionario de carrera (supresiones, comisiones de serviciu..) y de personal interino.

El día 1 de xunu van salir les instrucciones y calendariu. El 20 de xunetu fadrán la convocatoria de vacantes pa tol personal funcionario ya interino. El 31 xunetu tán previstes les axudicaciones definitives.

Per parte de SUATEA ficimos delles propuestes y valoraciones a los borradores que mos presentaron:

Sobre’l calendariu diximos que mos presta que’l calendariu axudicaciones termine nel mes de xunetu. Ye una reivindicación de tolos cursos de SUATEA. Asina les persones que nun tengan destín onde residen tendrán tiempu pa buscar casa y entamar treslláu ya el centru yá sabe con qué personal cuenta pa organizar l’entamu cursu.

Encamentóse-yos que sedría menester establecer axudicaciones provisionales- plazos de reclamación-axudicación definitiva pa los distintos grupos. Encamentóse tamién adelantar la publicación de llistaos y axudicaciones del personal funcionario de carrera por paecemos que diba facilitar la xera.

Pidimos que toles places axudicaes a interinidaes seyan a tiempu completu y que s’incrementen les plantiyes más del 30% pa enfrentase a les nueves condiciones provocaes pola pandemia que faen necesario la merma de ratios, la intensificación de la tutoría y l’atención a la diversidá del alumnáu. Per otru llau tovía tán ensin proponer les necesidaes de plantiya.

Pidimos adelantar la convocatoria de la segunda tanda de personal interino a la segunda semana de setiembre pa cumplir coles necesidades dende lo primero posible. Dexalo pa más tarde fadrá que munchu alumnáu tea ensin atender más de 15 díes y más cuando partimos d’una situación de déficit d’atención de la que vamos partir nel nuevu cursu.

Demandemos que les convocatories de EI, Primaria y Secundaria se faigan a la vez. Ello facilita al personal que ta en llistes de más d’un cuerpu el que tenga meyores opciones de trabayu.

Al respective les Comisiones de serviciu de calter humanitariu SUATEA propunxo que s’ufierten tamién pa funcionariáu en práctiques.

No que cinca a Evaluación docente volvimos a defender la equiparación salarial del profesoráu asturianu col de otros territorios per aciu de una xuba llinial pa tolos cuerpos ensin condicionantes del tipu evaluación.

Demandemos la convocatoria de  mesa negociación pa organizar nuevu cursu no que cinca a necesidaes de plantiyes, condiciones llaborales y nuevu alcuerdu d’interinidá.

Otres informaciones

Depués del 1 de xunu cuenten con asoleyar en BOPA una resolución pa que’l personal interino que nun tenga tovía certificación de discapacidá puea incluyir el reconocimientu d’ello nos llistaos  onde  figure.

L’Administración tien intención d’abrir el plazu d’habilitación en nueves especialidaes pal cuerpu de maestros de manera que puean pidir nel próximu concursu de tresllaos poles especialidaes nes que tengan habilitación.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344