Home > Profesoráu > Nota informativa sobre les notes de les oposiciones

Nota informativa sobre les notes de les oposiciones

Dende SUATEA pidimos esplicaciones a l’alministración ante lo que asocedió na especialidá de AL, onde los tribunales publicaron unes notes nes que solo aprueben un númberu de persones igual al númberu de places asignaes a cada tribunal.

Consideramos que tal actuación fraya los principios de méritu y capacidá, anulando la fase de concursu y convirtiendo en papel moyáu la formación académica, los cursos realizaos y l’esperiencia previa pa optar a una plaza de funcionariu docente.

Informósenos que la Secretaría Xeneral Técnica va estudiar la nuesa solicitú y va unviar les instrucciones oportunes a los tribunales de les oposiciones. Esperamos qu’esto signifique que se retoma’l camín de la cordura y que los y les aspirantes puedan llograr les notes que realmente merecen, nun siendo un criteriu de calificación el númberu de places que s’asignen a un tribunal.

Alguna organización sindical que tuvo callada durante tou esti procesu y que amás rubricó el funestu alcuerdu d’interinos quier colgase agora medalles de manera oportunista. Sabemos que toes les persones que lleven contando con SUATEA tou esti tiempu tienen claro quién fizo que se resolviera esti problema.

Uviéu, 24 de xunetu del 2015

Esta entrada tamién se puede consultar en: Castellanu