Home > Borrador > N’Educación fai falta competencia y eficacia

N’Educación fai falta competencia y eficacia

N’Educación fai falta competencia y eficacia que resuelvan problemes

Nun recordamos n’Asturies entamos de cursu exentos d’incidencies y ésti empieza como los anteriores, con graves defectos qu’en dalgún casu son repitíes añu tres d’añu  y pa les que nun paez haber capacidá o voluntá de solucionar.

Que nos centros falta profesoráu ye daqué que nun se puede despintar, los claustros tán amenorgaos y les clases empiecen la próxima selmana colos sobreesfuerzos de los y les docentes que tienen qu’atender, non solo al so alumnáu, sinón tamién a aquello pa lo qu’entá nun llegó’l profesoráu correspondiente.

Esti cursu dase amás una circunstancia especialmente trascendente: l’aplicación de la LOMCE nos cursos pares de la ESO y Bachilleratu. Mientres nos medios de comunicación el Partíu Popular y Ciudadanos representaben, igual que nun teatru, les bondaes d’un pactu al respective de la paralización de la nueva Llei Educativa, nos institutos enceten los cambeos cola mesma incertidume que l’añu pasáu; ensin saber qué va pasar coles reválides, cómo empobinar al alumnáu de cara a un futuru que nun se conoz o cuáles van ser les esixencies ya itinerarios que se van pidir dende la Universidá a los futuros estudiantes. Too ello con un sistema que nun garantiza que l’alumnáu pueda caltenese matriculáu nes optatives qu’escoyera porque nun hai dineru pa caltener los grupos.

Les incidencies nel ámbitu de los docentes interinos siguen ensin solución y queden pendientes los casos de places de la oposición que fueron reclamaos. Paez increíble que se considere que “too va bien” o “ente dientro de lo previsto”, ye como almitir que nun esisten errores o que los qu’hai nun son dignos de consideralos con antelación pa que nun se produzan. Ye cansín esti discursu que niega la realidá y ye amás ofensivu pa quien tien la obligación de reconocer lo que nun funciona pa poder plantegase una solución que torgue los repitíos perxuicios sobre alumnáu, profesoráu y sobre la mesma calidá educativa.

Les obres ensin terminar, los barracones que se caltienen o los proyectos que s’enllarguen indefinidamente nel tiempu, tampoco ayuden a caltener la credibilidá nuna Conseyería incapaz de reconocer les sos propies llimitaciones. Creemos que nun podemos mas que siguir esixendo al responsable d’Educación una actuación competente, que solucione los problemes nel tiempu que correspuende, qu’abra la comunicación y el diálogu, agora prácticamente inesistente ente los representantes de el trabayadores y l’Alministración y, qu’apueste de verdá pola Educación Pública enfrentándose como lo faen n’otres CCAA a la Llei que l’amenaza y que va enllantándose adulces, d’a furtu, como los virus malinos que tresmiten una grave enfermedá.

 

 

Uviéu, 5 de septiembre de 2016

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344