Home > Comunicaos > Mesa Sectorial sobro ufierta d’empléu docente.

Mesa Sectorial sobro ufierta d’empléu docente.

Paralelamente a la convocatoria d’oposiciones, ye menester la negociación d’un nuevu Alcuerdu d’imterinidá.

Mesa Sectorial d’Educación

Na mañana de güei, 29 de xineru, celebróse la xunta de la Mesa Sectorial d’Educación na que se trató la Ufierta Pública d’Empléu Docente de 2018.

Les Ufiertes d’EmpléuPúblicu de los próximos trés años van tar venceyaes al Alcuerdu estatal de 29 de marzu de 2017, robláu por UXT, CCOO y CSIF, que pretenden amenorgar la tasa d’interinidá en tol sector públicu hasta’l 8%. N’Educación, y más concretamente n’Asturies, la tasa d’interinidá supera’l 30%, lo que supondría amplies ufiertes d’empléu nos próximos años.

Dende SUATEA, entendemos que l’amenorgamientu drásticu de la tasa d’interinidá per debaxo del 8% supón una amenaza pa la so continuidá nel trabayu si nun s’axusten midíes d’estabilidá que protexan l’empléu del personal interino. Por too ello, dende SUATEA, esplicáronse los motivos polos que nun podemos sofitar esta Ufierta d’Empléu Públicu Docente:

  • Per una parte, xuega un papel determinante’l sistema d’ingresu na función pública docente, que ye de calter estatal. Hubo un procesu de negociación col Ministeriu d’Educación, que fixo oyíos sordos a les propuestes de la mayoría sindical. Ello va incidir negativamente nel profesoráu interín que tenga de presentase a los próximos procesos selectivos.
  • Por otra, a nivel autonómicu, consideramos imprescindible venceyar la ufierta de places que l’Alministración punxo sobro la mesa cola negociación d’un nuevu Alcuerdu d’interinidá que garantice la estabilidá del colectivu. N’Asturies, a diferencia d’otres CCAA, rebarémense les llistes d’interinidá tres los procesos selectivos, lo que trai una permanente rotación nel empléu, inseguridá y precariedá llaboral pal profesoráu interino.

N’otru orde de coses, demandamos que propongan lo antes posible’l númberu de places a convocar por caúna de les especialidaes. Na mayoría de les CCAA incluyeron nes OPEs les especialidaes y el númberu de places.

Pa SUATEA, ye prioritaria la defensa de los y les trabayadores que tuvieron al serviciu de les Alministraciones mientres munchos años, máxime cuando les Alministraciones incurrieron claramente en fraude de Llei y fueron les responsables de la situación creada al nun ufiertar les vacantes estructurales esistentes. Agora tendríen de ser capaces d’acometer los cambeos necesarios pa reparar el dañu de precariedá llaboral causáu al profesoráu interino.

Uviéu, 29 de xineru de 2018

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743