Más grandones que naide

Esta entrada está disponible en: Castellano (Castellanu)

Concentración Conservatoriu El complexu de grandones de la Conseyería d’Educación dexará a decenes de docentes interinos y interines na cai.

El pasáu cursu escolar la Conseyería d’Educación anunció al altu la lleva la convocatoria de 94 places a concursu-oposición a cuerpos docentes, esi númberu de cara a la opinión pública podía resultar dignu, pero taba totalmente falsiáu, ya que d’elles, 43 correspondíen al cuerpu de caderalgos de música a les que solo pueden optar quien yá sea funcionariu de carrera del cuerpu de profesores de música y artes escéniques.

Nel branu celebráronse les oposiciones d’especialidaes de formación profesional produciéndose l’efectu llamada, que dende SUATEA denunciamos en repetíes ocasiones por nun haber oposiciones a esti cuerpu docente en nenguna otra comunidá autónoma. El Director Xeneral de Personal, Jose Antonio Fernández Espina, repitió en delles reuniones que nun se cuntaba con más de 500 aspirantes, la realidá ye necia, y alcontrémonos con 2500 perones de tol estáu optando a 51 places. Consecuencia d’esto ye que de les 51 places, 17 (33%) acabaron en manes d’aspirantes de fuera d’Asturies. Ta claro que la Conseyería quier que la marca Asturies sea “Tierra d’oportunidaes”, anque ello signifique mandar a los nuestros conciudadanos a les llistes del INEM.

Los nuestros xestores nun deprenden de los sos error y agora la historia repítese. Esta selmana punxeron encima la mesa la convocatoria pendiente de les 43 places de caderalgos. Colos requisitos que pidi la Conseyería solamente ente un 15% y un 20% d’estes 43 places va poder ocupase pol profesoráu asturianu. Esto ponnos nun escenariu cuanto menos peculiar, nel que se pueden dar dos situaciones:

  • Gastamos les perres de la Comunidá Autónoma n’esbillar caderalgos de música que llueu puede tetornar a la so tierra y ocupar puestos nos conservatorios superiores de la so comunidá. Esti sedría l’escenariu más favorable, ya que la consecuencia última sedría marafundiar perres públiques en beneficiu d’otres comunidaes.
  • El pior de los escenarios ye que los funcionarios d’otres comunidaes que obtengan la condición de caderalgu n’Asturies llueu pol concursu de tresllaos, opten a les places del nuestru Conservatoriu Superior de Música colo que desplazaríen d’estos puetos a los funcionarios de carrera qu’anguaño desarrollen la so actividá neses places. Estos volveríen a los Conservatorios Profesionales, por efectu dominó, el profesoráu interín acabaría na cai.

Esta ye la forma nel que l’Alministración Asturiana mira polos intereses y perres de los sos conciudadanos. A esto hai qu’axuntar qu’Asturies sedría la primer Comunidá Autónoma en tol territoriu estatal en convocar places de Caderalgu en Música.

Queremos facer entender a los xestores públicos que ser les cobayes d’un procedimientu que se desenvuelve por primer vez y amás ensin negociar con naide baremos, requisitos de los aspirantes, ámbitu d’aplicación, etc… nun puede acabar bien.

Nun tamos por narafunciar perres públiques y menos pa dexar nes llistes del INEM a los nuestros funcionarios/es en beneficiu de persones que yá son funcionarios/es y tienen el so puestu de trabayu n’otra comunidá autónoma.

IMG_20141112_121610-RECORTE

Print Friendly, PDF & Email

Esta entrada está disponible en: Castellano (Castellanu)