Manifiestu del Sindicalismu Alternativu contra l’abusu de la temporalidá empléu nes AAPP

Esta entrada está disponible en: Castellano (Castellanu)

Manifiestu del Sindicalismu Alternativu contra l’abusu de la temporalidá y pol afitamientu del empléu nes alministraciones públiques

Los sindicatos firmantes consideren que:

1.- Como sindicatos de clase tienen un compromisu firme cola defensa d’unos servicios públicos afayadizos y calidables como ferramienta de compensación de les desigualdaes sociales derivaes del sistema neoliberal actual.

2.- Los citaos servicios públicos tienen que se sofitar nel trabayu de los emplegaos y emplegaes públiques; trabayu que ye merecedor del máximu respetu nes sos condiciones llaborales polo xeneral y sobremanera, a la estabilidá nel empléu.

3.- Ye vultable que, de forma reinal, se produz nel senu de les alministraciones públiques un escesu nel usu de rellaciones llaborales de calter temporal, llegando anguaño a algamar una tasa próxima al 30% nel conxuntu de les alministraciones. Una tasa de temporalidá que supera, inclusive, la rexistrada nel sector priváu.

4.- A ello contribúi, ensin duldalo, una permala xestión, arrémente o non, del personal, les llimitaciones na tasa de reposición y, tamién, cierta complexidá de los procesos de seleición. Factores que se sustancien na escasa convocatoria d’ufiertes d’empléu y, en casu d’ello, de la ufierta de places necesaries pa caltener la temporalidá en porcentaxes estructurales.

5.- Sicasí, les alministraciones públiques nun tán exentes de la obligación de garantizar una xestión eficiente de los servicios públicos; tamién del personal, polo que queden obligaes non namás a dotar a éstos del personal necesario y estable, sinón, amás, a facelo dende’l respetu a la llegalidá.

6.- Acreditada la poca eficiencia, nun paez tampoco que’l respetu a la llegalidá quede bien paráu. Ye un fechu ciertu que los poderes públicos del Estáu nun ficieron la correuta tresposición de la Direutiva Europea 1999/70/CE del Conseyu, de 8 de xunu de 1999 relativa al Alcuerdu marcu de la CES, la UNICE y el CEEP sobre’l trabayu de duración determinada, al ordenamientu internu en materia d’empléu públicu. Una tresposición que tuviera que facese efectiva enantes del 10 de xunetu de 2001.

7.- La mentada Direutiva tien por oxetu, a partir de la premisa de que la relación llaboral ordinaria tien de ser de calter indefiníu, ameyorar la calidá del empléu a tiempu determináu y establecer un marcu pa evitar los abusos derivaos del usu de socesives rellaciones llaborales de duración determinada.

8.- La resultancia d’esta omisión ye, como yá se mentó enantes, un escesu de la temporalidá nes rellaciones llaborales o, como lo acredita’l Tribunal de Xusticia de la Unión Europea: un abusu de la temporalidá nes alministraciones públiques. Abusu que nun puede quedar impune.

Por tolo espuesto esiximos con calter inmediatu a los poderes públicos:

1.- El cambéu del ordenamientu internu no que cinca a les rellaciones llaborales nel sector públicu pa dexar afitaes les llendes llegales a les rellaciones llaborales  temporales y d’interinidá nes sos distintes modalidaes: execución de programes de calter temporal, escesu o acumuladura de xeres y esistencia de places vacantes.

2.- El cambéu del ordenamientu internu al respective les rellaciones llaborales nel sector públicu pa establecer sanciones disuasories abondo pa les alministraciones incumplidores y que a la vez tengan un efectu protector y reparador sobre les persones víctimes del citáu abusu de temporalidá.

3.- Entamar les iniciatives lexislatives que permitan articular verdaderos procesos d’afitamientu del empléu del personal afectao pol abusu de la temporalidá. Procesos que tienen de tar xuníos a una condición doble: que nun s’escluya a denguna persona n’abusu de temporalidá y que, sía que non, el personal oxetu del afitamientu vaya a tener los mesmos derechos y obligaciones que’l personal funcionario de carrera, llaboral o estatutario fixo.

Confederación Intersindical, FSOE, Colectivo Unitario de Trabajadores, Intersindical Canaria, IAC, STEILAS, ESK, Central Unitaria de Traballadoras, Intersindical Valenciana, SAT.

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757