Home > Comunicaos > Los errores informáticos de la Conseyería condenen al paro a los interinos afectaos

Los errores informáticos de la Conseyería condenen al paro a los interinos afectaos

La plataforma de xestión de les peticiones d'interinos presenta numberosos errores de diseñu d'usabilidá.Amás de los retayos y de la falta d’atención a les necesidáes riales de los centros educativos, topámonos con que decenes de docentes van pasar a engordar les llistes del paru por un incorrectu y confuso funcionamientu de l’aplicación informática que xestiona les peticiones y axudicaciones d’esti colectivu.

Énte una aplicación informática con una gran cantidá de deficiencias, como son:

  • Pantalles onde s’amuesa información confusa.
  • Nun emitir mensaxes d’error cuando estos de producen.
  • Quedar inoperativa depués de ciertu tiempu d’abrir sesión ensin emitir avisu pal usuariu.
  • Nun furrular correctamente con determinaos navegadores.
  • Nun informar al usuariu en nengún momentu sobre l’estáu de la tramitación de la solicitú incumpliendo la “Llei 11/2007 de 22 de Xunu de accesu llectrónicu de los ciudadanos a los Servicios Públicos”, l’Alministración atrévese a achacar los erros al usuariu argumentando que, anque l’aplicación nun seya del too eficiente el fechu de ser docentes habilítanos y aporta destreces propies d’un inxenieru informáticu.

Topámonos con persones que, teniendo la so petición impresa col su rexistru telemáticu grabáu correctamente, eliminólos el sistema y nun se-yos tuvo en cuenta la so petición. Estes persones tienen que tar sufriendo con impotencia como col su resguardu telemáticu válidu na mano l’Administración quíta-yos el so puestu de trabayu y encerrízase en nun iguar el problema nun reconociendo’l problema técnico. Nengún inxenieru informáticu diba ser a deducir, ensin más información qu’un impresu col rexistru telemáticu correctu y una pantalla onde apecen grabaes correctamente toles peticiones, que la petición nun ta grabada bien. Pues esto ye lo que espera l’Alministración de los sos docentes, que lleguen a esta deducción alegando unes destrezas pa les que nun estudiaron nin opositaron.

Dende SUATEA desiximos a l’Alministración que, daes les deficiencies técnices que presenta l’aplicación y la vulneración de les garantíes llegales, nun unvie al profesoráu que pidió per vía telemática a lo cabero de la llista y que corrixa nel sistema, de cara a les futures peticiones, toles deficiencies detectaes.

PDF Los errores informáticos de la Conseyería d’Educación ondenen al paro a los interinos afectaos
ISSUU Los errores informáticos de la Conseyería d’Educación ondenen al paro a los interinos afectaos

Esta entrada tamién se puede consultar en: Castellanu