Home > Centros educativos > Lleguen les 18 llectives a Secundaria y vamos siguir lluchando poles 23 de Maestros

Lleguen les 18 llectives a Secundaria y vamos siguir lluchando poles 23 de Maestros

LLEGUEN LES 18 HORES LLECTIVES A SECUNDARIA Y VAMOS SIGUIR LLUCHANDO POLES 23 NEL CUERPU DE MAESTROS

Na mañana de güei, 25 de marzu, celebróse la Mesa Sectorial d’Educación para modificar, por aplicación del Alcuerdu de 26 de payares sobro amenorgamientu de xornada del profesoráu de Secundaria a 18 hores llectives (atención directa al alumnáu) y el cómputu mensual de dos hores complementaries nel Cuerpu de Maestros, les Instrucciones que regulen la organización y funcionamientu de los Institutos de Secundaria y Colexos de Primaria y Educación Infantil

Dende SUATEA, celebramos que s’aplique l’Alcuerdu que soscribimos nel so día, que foi frutu d’una llarga llucha del profesoráu, y que sía una realidá pal cursu 2019/20. Agora bien, aportunamos en recordar dellos aspeutos que ye necesario eentamar de forma inmediata:

– L’amenorgamientu de la xornada llectiva pal profesoráu del Cuerpu de Maestros a 23 hores. Asina lo aprobaron apocayá’l Conseyu Escolar del Estáu, el Congresu de los Diputaos y el Senáu. Ye más, el mesmu gobiernu central, nel Decretu de derogación del RD 14/2012 (el decretu de retayos), encamienta un máximu de 23 hores lectives en Primaria y Educación Infantil.

– Ameyorar dellos aspeutos de les Instrucciones que regulen la organización y funcionamientu de los Institutos de Secundaria y Colexos de Primaria qu’afecten a los horarios del profesoráu, a la considerancia de les hores llectives y complementaries, actualizando actuaciones que deriven de nueves realidaes na actividá docente.

– Reconsiderar y ameyorar l’horariu de permanencia del profesoráu nos centros educativos, que sigue siendo de los más elevaos del Estáu y que quita tiempu a los docentes pa otres xeres docentes, como la preparación de clases, corrección d’exames, la formación continua, etc.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778