Llamamos a la participación masiva na manifestación del 16-O

Esta entrada está disponible en: Castellano (Castellanu)

SUATEA LLAMA A LA PARTICIPACIÓN MASIVA NA MANIFESTACIÓN POLA OFICIALIDÁ DEL DÍA 16

            Namás la oficialidá de les llingües d’Asturies pue garantizar el so usu efectivu en tolos niveles educativos y la dignificación profesional de los docentes de les mesmes.

                El próximu sábadu 16 d’ochobre, a les 12:00 hores, na estación del Norte d’Uviéu y a iniciativa de la Xunta pola Defensa de la Llingua Asturiana empecipiará la manifestación pola oficialidá del asturianu y del gallego-asturianu col envís de dexa-y bien claro a los diputaos y diputaes de la Xunta Xeneral qu’esti pueblu nun ta dispuestu a siguir aguantando la vulneración de los sos derechos.

                Too paez indicar qu’hai una mayoría clara favorable a incluyir la oficilidá de les llingües d’Asturies na reforma del estatutu d’autonomía. Per años los medios y partíos de la reacción afirmaron que la demanda de la oficialidá nun yera socialmente mayoritaria porque los partíos que la llevaben nel so programa nun algamaben la mayoría parlamentaria. Cuando nes elecciones de 2019 esos partíos llegaron al 60.3% del votu popular y a 28 escaños dixeron que nun yera abondo, que la oficialidá namás sería posible d’haber consensu non solo con quien nun la quier, sinón con quien directamente quier la desapaición dafechu del nuestru idioma, del que nieguen incluso la so esistencia. Ye más, dicen incluso que d’aprobase una reforma qu’incluya la oficialidá sería una reforma ilexítima, yá que namás entienden por lexitimidá que’l conxuntu de la sociedá se someta a los sos prexuicios, imposiciones y mentires. Tán nerviosos, y nótase na campaña de llevantos y falsedaes que tán entamando dende los medios afines intentando parar lo que ye un clamor popular.

                SUATEA fai un llamáu a la participación masiva esti sábadu 16, como lleva faciendo tola so historia, yá que’l nuestru ye’l sindicatu que primero y con más puxu defendió siempre la oficialidá y la dignificación de les condiciones llaborales de los docentes de l’asignatura. Llevamos cuarenta años desixendo que l’asturianu seya oficial y que tea presente nel sistema educativu al mesmu nivel que les demás llingües españoles. Ye’l primer pasu necesariu, pero non suficiente, p’algamar la necesaria normalización de los idiomes d’Asturies. La especialidá docente, la vehicularidá del idioma na escuela, la llei de normalización… serán batalles que tendremos que dar en ganando esta. Y vamos ganala.

Esti sábadu 16 d’ochobre, a llenar Uviéu. 

N’Uviéu a 14 d’ochobre de 2021

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757