Home > Comunicaos > L’Alministración solicita nuevos requisitos pa formar parte de la llista d’interinidá en Secundaria

L’Alministración solicita nuevos requisitos pa formar parte de la llista d’interinidá en Secundaria

EducasturLa Conseyería d’Educación publicó hoi un llistáu con miles de persones que tán presentes nes llistes d’interinidá nes etapes d’educación secundaria obligatoria, formación profesional y enseñu de réxime especial nes qu’esixe que presenten documentación acreditativa de tar en posesión de la formación pedagóxica y didáctica correspondiente o esperiencia docente que convalide esta formación.

El plazu que se-y da a esti profesoráu pa presentar la documentación va del 1 al 20 d’abril y aquellos que nun l’acrediten van quedar fuera de les llistes independientemente de la esperiencia docente cola que cuenten.

Esta información, de vital importancia pa una gran parte de docentes, asoléyase’l mesmu día nel que la comunidá educativa entama les vacaciones de primavera, un periodu non llectivu de 8 díes. Teniendo en cuenta que los primeros 5 díes del plazu establecíu son festivos, el tiempu pa la presentación queda reducíu a 12 díes hábiles. Hai que tener en cuenta, que munches d’estes persones va tener que solicitar fueyes de serviciu equí o n’otres comunidaes col tiempu de rempuesta qu’ello tien..

Ye inadmisible que nun s’informe previamente pa que’l profesoráu afectáu pueda dir pidiendo con tiempu abondo estes fueyes. Amás la Sra. Conseyera aconceyó cola Xunta de Personal Docente non Universitaria’l miércoles pasáu y nun informó d’esti fechu d’importancia pa los más de los interinos asturianos.

SUATEA pidi que’l plazu de presentación d’esta documentación requerida sea del 1 de setiembre del 2015, momentu nel qu’entra en vigor la normativa pola que se fae esti requerimientu.

Uviéu, 27 de marzu del 2015

[Actualización 30/03/2015: Consultar Instrucciones y llistáu de personas que deben acreditar la citada formación]

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743