Home > Comunicaos > L’Alministración sigue con retayu tres retayu y midíes absurdes y incomprensibles

L’Alministración sigue con retayu tres retayu y midíes absurdes y incomprensibles

Na xunta de la Conseyería d’Educación colos sindicatos de la Xunta de Personal Docente l’Alministración presentó los sos planes al respective de los programes billingües de los centros. En confirmando la perda pal alumnáu que curse 1º de la ESO esti cursu del horariu de refuerzu de llingua estranxera ente otros cambeos del programa, SUATEA llamentó que la forma escoyida pola alministración pa fomentar supuestamente la enseñanza de llingües estranxeres sía, paradóxicamente, la de suspender el refuerzu en dicha llingua que s’impartía a 7ª hora. En cuenta de reforzar per aciu desdobles o xeneralizar y ampliar la presencia d’auxiliares de conversación nativos nos centros optase por…. dar menos hores de llingua estranxera. En realidá, de xeneralizase una hora más pa tol alumnáu d’inglés eso supondría que debería aumentar el númberu de docentes d’idiomes en secundaria, cosa a la que nun paez tar dispuesta la Conseyería. En realidá tratase d’una operación de maquillaxe con tintes electoralistes pa facer creer que la mayoría de centros asturianos son billingües cuando la realidá ye que los centros tienen d’atender “colos sos propios recursos” dichu programa, ensin nin siquier analizar la implantación del programa esperimental que lleva funcionando hasta güei gracies a la voluntariedá del profesoráu y a pesar de la falta de criterios y de planes reales pa fomentar l’aprendizaxe de llingües estranxeres.

Otru asuntu d’interés ye l’anuncia per parte de la Conseyería de la so intención d’aplazar hasta’l próximu añu la convocatoria d’accesu al Cuerpu de Caderalgos de Música y Artes Escéniques (Conservatoriu Superior). Ye significativo que l’alministración anuncie agora esti aplazamientu “p’alzar consultes al Ministeriu d’Educación” yá que na Conseyería d’Educación naide paez tener claro les condiciones nes que tendría de desenvolvese esti procesu. La Conseyería dispón de tres años pa executar materialmente les convocatories d’accesu a la función docente o l’accesu al Cuerpu de Caderalgos, nesti casu.  Esta anuncia ye más llamativa tovía teniendo en cuenta que los mesmos responsables de la Conseyería negáronse sistemáticamente a aplazar la realización de les pruebes correspondientes a les oposiciones docentes p’acceder a delles especialidaes de Formación Profesional que fueron la sida pa que l’alministración y dos sindicatos camudaren la norma d’ellaboración de llistes de profesoráu interín, norma que va dexar na cai a bon númberu de docentes asturianos. ¿Por qué -entrugó SUATEA- nun casu yera imposible aplazar la celebración de les oposiciones y nel otru anúnciase l’aplazamientu – contradiciendo lo anunciao pola alministración y apregonáu por unu de los sindicatos “de la casa”? Otru despropósitu de l’Alministración.

Otra anuncia de la Conseyería ye la so intención de camudar el métodu d’axudicación de les places del profesoráu interín: preténdese que’l profesoráu interín pida “a ciegues”, ensin conocencia de les places cola intención proclamada pola alministración de que’l númberu de les vacantes d’entamu de cursu puean acumulase hasta l’últimu momentu. Preténdese facer dos tandes d’axudicaciones: una en xunetu- la xeneral- y otra depués de les oposiciones. Énte esta intención de l’Alministración, SUATEA plantegó como imprescindible la posibilidá pal profesoráu interín d’ameyorar de puestu nuna segunda tanda d’axudicaciones y tres el correspondiente periodu de reclamaciones. Esto evitaría que’l profesoráu con mayor puntuación que pudiera acceder a una nueva vacante que pudiera salir con posterioridá y a la que, de nun haber esti procedimientu, nun podría acceder a pesar de dicha puntuación superior. SUATEA comprométese a presentar una propuesta concreta que garantizara la meyora de puestu y la tresparencia del procesu.

D’otru llau, l’alministración anunció otres cuestiones como la puesta en marcha del procedimientu de solicitú de Comisiones de serviciu de calter humanitariu y informó sobre la nueva normativa relativa a los Centros Integraos de FP, refugada por SUATEA y el restu d’organizaciones.

Tamién na xunta del día d’ayeri sobre Calendariu Escolar SUATEA fixo la propuesta de considerar llectivos a tolos efectos los díes de celebración de pruebes nel mes de setiembre ente otres propuestes.

N’otru orde de coses SUATEA amosó la so esmolición pola situación educativa en Cangas y encamentó a l’Alministración a algamar un consensu con toles partes garantizando les obres ya inversiones necesaries pa que tol alumnáu de la comarca tea escolarizáu en condiciones de dignidá y cola necesaria atención educativa.

SUATEA pidió desplicaciones a l’alministración pola non axudicación nel concursu de tresllaos de les resultes.

Entamamos con retayos y rematamos con más retayos…

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778