La ministra de Función Pública anuncia cambeos na tramitación como Proyectu de Llei del RD-Llei 14/2021

Esta entrada está disponible en: Castellano (Castellanu)

Anque los cambeos son entá insuficientes para garantizar la estabilidá nel empléu del personal n’abusu de temporalidá, amuesen la irresponsabilidá del exministru Iceta y de CCOO, UXT y CSIF al apautar un Alcuerdu refugáu pola mayoría de grupos parllamentarios

La ministra de Facienda y Función Pública, Mª Jesús Montero anunció énte’l plenu del Congresu de los Diputaos que va convalidar el Real Decreto-llei 14/2021 de midíes pal amenorgamientu de la interinidá nes Alministraciones Públiques, importantes cambeos que faen referencia tanto a la so tramitación, como al conteníu del mesmu.

Forzáu’l gobiernu pola posición mayoritariamente en contra de los grupos parllamentarios, les negociaciones habíes nes últimes hores paecen desaguar nun alcuerdu pol qu’el RD-llei va ser tramitáu como proyectu de llei y nel mesmu introduciránse distintos cambeos: les pruebes del concursu oposición van poder ser non eliminatories según determinen les Comunidaes Autónomes y les entidaes locales. Per otra parte, pa quien lleven 10 ó más años nun mesmu puestu de l’alministración pal que nun se convocó Concurso-Oposición, nun va ser obligatorio’l presentase al concursu-oposición, pa lo que se desarrollará l’artículu 61.6 del Estatutu Básicu del Emplegáu Públicu, qu’establez la posibilidá del accesu a la función pública al traviés d’un concursu de méritos, en casos d’escepcionalidá.

Entá siendo meyores bien curties y que nun solucionen el problema de la inmensa mayoría de les persones afectaes, estos cambeos demuestren que lo qu’alcordaron Iceta y el triunviratu de centrales sindicales, que quedaron -sobremanera éstes- n’especial evidencia. Ye impresentable que se base una actuación qu’afecta a 800.000 persones en descalificar por illegal una vía, qu’en cuanto se dieron les primeres negociaciones series colos grupos parlamentarios- aceptóse.

Munchos son los factores que nos llevaron a esta situación. La incapacidá y la torpeza d’un ministru que nun permaneció nin cinco meses al frente del ministeriu dende onde tenía d’encetase’l problema y la falta d’escupulicios, unida a un pruyimientu descomanáu por llograr beneficios propios percima de les persones a les que dicíen representar, d’unos desnortiaos CCOO, UGT y CSIF, nun son -nin tanto- los menos importantes.

Sía que non, la situación sigue tando ensin resolver. La solución tien de pasar necesariamente pola estabilidá de los emplegaos públicos temporales en situación d’interinidá, pa lo que ye imprescindible establecer una llexislación que realmente recueya l’afitamientu del personal n’abusu de temporalidá, acordies colo establecío pol Tribunal de Xusticia de la Unión Europea na so sentencia de 19 de marzu de 2020.

Los cambeos anunciaos pola actual responsable de Función Pública, Mª Jesús Montero impliquen el desenvolvimientu como proyectu de llei de la propuesta ministerial, mientres los meses de setiembre y ochobre. Nesi desenvolvimientu parllamentariu tien d’axustase colos distintos grupos parllamentarios el conteníu final de la llei, pero tamién cola representación sindical del personal interino.

El Real Decretu-llei 14/2021, non solo nun soluciona’l problema, sinón que lo agravará entá  más, yá que sanciona a los/les trabayadores n’abusu de temporalidá, col despidu forzosu, si nun aprueben unes oposiciones a les que tienen d’allegar n’inferioridá de condiciones. Esti personal que mientres décades sacó alantre unos servicios públicos atacaos doblemente -polos retayos na llexislatura de la mayoría absoluta del Partíu Popular y pola crisis de la pandemia mientres los años 2020 y 2021- recibe agora, como compensa la puerta de salida, nunos despidos a baxu costu. El Real Decretu-llei convalidáu güei promueve la precarización de les plantiyes: pretende resolver la temporalidá con más temporalidá, penaliza a les y los usuarios de los servicios públicos, polo que ye una amenaza latente pa la continuidá de los mesmos, y – en definitiva- nun desquita de nenguna manera al colectivu de personal actual n’abusu de temporalidá.

Secretariáu de la Confederación Intersindical
Secretariáu de SUATEA

21 de xunetu de 2.021

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757