La Llei Celaá tien de dar la solución definitiva pa la consolidación nel empléu del Profesoráu Interín

La Llei Celaá tien de contemplar una solución definitiva pa la consolidación nel empléu del Profesoráu Interín

L’Anteproyectu de Llei Orgánica de modificación de la LOE/LOMCE presentáu pola ministra Isabel Celaá escaez da-y una solución xusta ya efectiva a la problemàtica de la interinidá que sufren les plantiyes docentes del sistema públicu d’enseñanza, al contrariu de lleis anteriores como la LOGSE y la LOE, que sí arbitraron medíes nesi sen.

Pa la Confederación de STEs-i, que sigue siendo crítica col Acuerdu pa la Meyora del Empléu Públicu firmáu en 2017, ye menestern reformar la Disposición Transitoria decimoséptima, d’Accesu a la función pública docente. Dempués del primer añu d’aplicación del citáu Acuerdu, sindicatos firmantes d’él reconocen que la interinidá aumentó del 26% al 30%, lo que fai evidente’l fracasu de la so aplicación, aparte de suponer una amenaza pal caltenimientu del empléu del actual profesoráu interín si nun supera unos procesos selectivos mediante un sistema d’ingresu impuestu pol ministeriu de Méndez de Vigo y rechazáu pola mayoría sindical.

STEs-intersindical esixe-y a la ministra d’Educación y Formación Profesional una negociación real y seria de la Llei Educativa propuesta, qu’incluya una reforma del sistema d’accesu a la función docente que consolide l’empléu del profesoráu interín mediante un accesu diferenciáu, polo qu’insiste en desarrollar el segundu párrafu del artículu 61.6 del EBEP.

Complementariamente, el sindicatu insiste en qu’agora nun ye’l momentu más indicáu p’abordar cambeos nel temariu d’oposiciones.

Secretariáu de STEs-intersindical

30 de payares de 2018