La ínfima xubida salarial allóñamos de la recuperación

Esta entrada está disponible en: Castellano (Castellanu)

Dende 2010 llevamos sufriendo una devaluación salarial constante. El gobiernu del expresidente Zapatero aplicó un retayu d’ente’l 5%-7%. Si a ello-y sumamos la xubida acumulada del IPC dende xineru de 2010 hasta avientu de 2018 (un 12.8%, según el INE), la conxelación salarial hasta’l 2016  y, amás, les ínfimes xubíes salariales del 2016, 2017 y 2018 (del 1%), resulta que la cuesta que vamos tener que xubir pa recuperar los nuesos salarios a feches anteriores al añu 2010 varia ente’l 16 y el 17%.

Cola aprobación l’añu pasáu del RD 24/2018 (consecuencia del II Alcuerdu sobre Meyora del Empléu Públicu robláu poles centrales sindicales CCOO, UXT Y CSIF), establezse una xubida salarial fixa pal añu 2019 d’un 2,25% al respective la remuneración de 31 d’Avientu de 2018. A esta medría porcentual, cabe suma-y un 0,25% variable que s’aplicaría el 1 de xunetu de 2019, siempres qu’el PIB algamara un aumentu del 2,5% l’añu anterior (2018). La medría del PIB del 2018 foi del 2.4%, inferior polo tanto al 2.5%. En consecuencia, el complementu del 0,25% va esperimentar una reducción proporcional a esa merma. En resume: anguaño va xubísenos el sueldu un 2,45%, cifra mui lloñe de la recuperación salarial pa la que sería menester aumentar el salariu nun 16% aproximao.

Por too ello, col envís non namás de recuperar, sinón d’ameyorar los nuesos salarios, dende SUATEA esiximos:

Xubida llinial pa toos y toes qu’igüe la perda de la masa salarial d’estos últimos años ensin sometela a nenguna condición (plan d’evaluación docente).

– Dempués  d’algamada la recuperación, una meyora añal del poder adquisitivu con xubíes salariales superiores al IPC.

 

El Secretariáu de SUATEA

Uviéu a 23 de xineru de 2019.

Print Friendly, PDF & Email

Esta entrada está disponible en: Castellano (Castellanu)