Home > Centros educativos > La implantación de la LOMCE n’Asturies: otra oportunidá perdía

La implantación de la LOMCE n’Asturies: otra oportunidá perdía

SUATEA DENUNCIA L’AUSENCIA DEL MÁS MÍNIMU SENTÍU CRÍTICU A LA NUEVA LLEI

La Conseyería d’Educación unvió a los centros les instrucciones pa la implantación de la LOMCE en Primaria’l próximu cursu. Tenemos que llamentar, de primeres, la tardanza en recibir la información yá que, a menos d’un mes de la finalización del cursu, ye imprescindible pa la planificación pal añu que vien la conocencia de la carga horaria de les distintes materies y l’organización de los cursos tres la eliminación de los ciclos per parte de la LOMCE.

Per otru llau, resulta decepcionante la falta de coherencia de la Conseyera ente la so posición crítica ante la nueva Llei Educativa y la propuesta d’horariu que fai pal nuevu currículu. Dende SUATEA demandemos que la presencia de la Relixón (ante la imposibilidá de faela sumir del too) tuviera la mínima presencia posible. Tal propuesta ye vidable  en cuantes que’lmesmu Wert lo  aplica naquelles Comunidaes pa les que’l Ministeriu caltien les competencies. N’Asturies, sicasí, solo vio amenorgáu’l so horariu en media hora selmanal, asina queda valorada y garantizada la continuidá d’enseñances confesionales y dogmátiques nel nuesu sistema educativu.

Otra enorme decepción ye desperdiciar la oportunidá de contribuyir a la dignificación de la Llingua asturiana nun marcu tan trascendental como ye l’educativu. La Conseyería nun exerz la so responsabilidá na necesaria protección y promoción del asturianu y opta pola continuidá nel horariu, calteniendo en precariedá la ufierta ensin la creación d’una especialidá que dexe la estabilización del profesoráu y el desenvolvimientu nos centros d’un proyectu llingüísticu namás posible cola continuidá de los docentes.

La materia reforzao por escelencia ye la llingua estranxera, l’inglés pa ser más concretos, con un aumentu del horariu que supera a toles asignatures sacante Llingua Castellana y Matemátiques. La dulda que nos entra, dao’l contestu xeneral de retayos nes plantiyes, ye la forma en que se van cubrir les necesidaes pa impartir l’idioma. Esti cursu los especialistes d’idioma cubrieron places que primeramente correspondíen a los tutores de Primaria, impúnxose’l “vale pa too” que perxudicó seriamente al profesoráu interín d’esta especialidá con más esperiencia docente y puntos nes llistes que los d’idiomes. ¿Vamos Siguir asina?

La propuesta de la Conseyería ye, en definitiva, fiel a la filosofía de la LOMCE, nun hai nengún elementu que compense’l so calter retrógrado entá esistiendo posibilidaes coles competencies de les que se disponen. Al respective de la so postura crítica ¿quéda-y credibilidá a la Sra. Conseyera?

Uviéu, 3 de xunu de 20014

 

VER CIRCULAR EN PDF

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344