Home > Comunicaos > La Conseyería tien competencies nel desendolcu de la LOMCE

La Conseyería tien competencies nel desendolcu de la LOMCE

SUATEA DESIXE QUE SE COMPROMETA COLA EDUCACIÓN PÚBLICA

Paez que’l ministru Wert tien que poner daqué frenu na acelerada implantación de la LOMCE y los desendolcos de la mesma. Nesta alloquecida carrera por poner de la forma más antidemocrática a la que fue quien un sistema educativu retrógradu y segregador, va topando y va topar per munchu tiempu  una oposición que nun va recular na so defensa de la escuela pública como exa vertebradora del sistema educativu que garantice la calidá y la equidá pa tola ciudadanía.

SUATEA, como parte d’esa campaña pa minimizar l’impactu de la Llei, presentó recien el documentu “41 Midíes pa enfrentase a la LOMCE” que va entregase a la Conseyera d’Educación vía rexistru. Pretendemos facer ver que la nuestra Conseyería tien competencies directes na implantación del nuevu sistema educativu y que polo tanto nun puede safase de les sos propies responsabilidaes.

Nel actual contestu social y económicu ye inalmisible que les families tengan qu’enfrentase a un cambiu de los llibros de testu el próximu mes de setiembre. Igual que’l so homólogu d’Andalucía, la Conseyera tien de garantizar el mantenimientu y vigor de los materiales escolares, de los cualos dellos modificáronse hai namás dos años. De la mesma manera pidímos-y midíess como:
–      Minimizar l’impactu de les “reválides” no que seya posible, evitando, ente otres cuestiones, que seyan aplicaes o calificaes por profesoráu de los centros privaos e torgando una publicación col consiguiente establecimientu de rankings. (Midíes 19 y 21)
–      Nun permitir la especialización curricular que sirva como sida pa segregar y criar centros d’élite y centros guetu. (Midida 32)
–      Desixir el cumplimientu d’un mesmu calendariu escolar pa la totalidá de los centros, torgando asina l’afitamientu de desigualdaes nes condiciones llaborales del profesoráu. (Midida 30)
–      Nun autorizar la xuba d’hasta un 10% del númberu máximu d’alumnos y alumnes por aula. (Midida 27)

Desiximos tamién que s’apurran los recursos necesarios pa la escuela pública, garantizando’l 100% de les beques pal alumnáu que tea en situación d’esclusión social, que se promueva la educación en valores, la educación n’igualdá y l’espíritu críticu, que mengüen les ratios, la carga llectiva del profesoráu y la ellaboración d’una plantiya que permita encarar les necesidaes educatives reales p’atender a la diversidá, reduciendo los conciertos y amosando’l compromisu y l’apueste pola Escuela Pública.

Uviéu, 30 de xineru de 2014

VER EN PDF

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344