Home > Comunicaos > La Conseyería d’Educación da un paso más na precarización del colectivu interín

La Conseyería d’Educación da un paso más na precarización del colectivu interín

Testu  del alcuerdo

La collaboración de dos organizaciones sindicales, clave pa imponer el so criteriu

Como temíemos dende SUATEA la Conseyería perpetró una performance esta mañana coles organizaciones sindicales qu’aceptaron entrar nel so xuegu. Baxo l’amenaza d’una resolución apocalíptica pal colectivu interín, volvió a presentar el cuartu borrador del alcuerdu con unes ruines modificaciones, les xustes pa que dellos, FETE y ANPE, tuvieren una mínima coartada pa roblar.

Na práctica, esti alcuerdu supón dexar albentestate el futuru de los y les trabayadores de la enseñanza interinos. Todo ello fáise xustificándose cola falacia de qu’asina dará opción de trabayar a aquelles persones que tán fuera del sistema. Sicasí lo que va pasar en realidá ye que va imponese una rotación continua de personal interín que nun favorez a naide: nin a los centros nin al alumnáu col contínuu cambiu de plantiyes qu’han de garrar esperiencia docente, nin muncho menos a quien s’enfrenten a una inestabilidá llaboral continua cola imposibilidá de facer los sos planes vitales.

Xustifícase la Conseyería na necesidá d’equilibrar el pesu de la esperiencia docente y les notes d’oposición, pero esta afirmación nun ye cierta yá que la balanza desequilíbrase nel momentu en que se sobrevalora tener superao les dos pruebes de la oposición de cara al baremu de les llistes d’interinidá, metiendo amás empates inxustos onde hai una diferencia de calificaciones curiosa.

Pequeñes concesiones, que nun despreciamos y que son namás que resultáu de la presión y movilización del colectivu interín, mazcaren la idea fundamental: meter la rotación nel empléu, endelgazando asina los xornales al torgar l’acumulación d’antigüedá y aumentando la precariedá llaboral.

SUATEA oponse a esta nueva agresión de la Conseyería y va siguir apoyando y entamando  movilizaciones del profesoráu interín pa denunciar esta actitú de los nuestros gobernantes que dicen ser d’esquierdes.

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778