Home > Asturianu > La Conseyería da’l llombu al asturianu

La Conseyería da’l llombu al asturianu

APUNTOME

LA CONSEYERÍA EDUCACIÓN DA’L LLOMBU A LES DEMANDES DE LA COMUNIDÁ EDUCATIVA SOL ASTURIANU

 Llegando a la recta final de la llexislatura, la situación del asturianu y gallego-asturianu n’educación non solo lleva estos tres años estancada, sinón que recula y nun se respeten los derechos de la ciudadanía. Y ello magar al alcuerdu d’investidura robláu ente IU-PSOE nel que se comprometía’l Gobiernu a meyorar la normalización llingüística enantes d’acabar la llexislatura y se nomaba al actual Conseyeru, en teoría enforma favoratible a avanzar nes politiques llingüístiques y comprometíu col so desarrollu, como munches veces declaró en públicu, “dientro’l marcu normativu actual”, esto ye: l’Estatutu Autonomía d’Asturies y la Llei d’Usu de y Promoción del bable/asturianu de 1998.

Dellos datos colos que cuntamos avalen la nuestra afirmación:

  • Esti día, la Conseyería Educación acaba publicar les “necesidaes educatives” pal viniente cursu (cubiertes mayoritariamente por personal interino – 30% de la plantiya total- y qu’ocupa places non estables na planificación educativa). Les places de Llingua Asturiana y Gallego-Asturianu pertenecen toes a esti tipu de plantiya “inestable” (prácticamente dende hai más de 25 años) ensin que los partíos gobernantes (mayoritariamente el PSOE) fixeren nada pa cambiar esta situación. Pasales a plantiya orgánica ye competencia d’esti Gobiernu. Pa cubriles con personal funcionario de carrera ye menester crear la especialidá y pa ello ún de los caminos ye oficializar los nuestros idiomes.
  • ASTURIANU 2017/18 TOTAL %  GALLEGO-AST 2017/18 TOTAL % TOTAL
    AST + GALL/AST 2017/18
    %
    PRIM SECUND PRIM. SECUND.    
    ENTERES 55 17 72 29% 1 0 1 9% 73 28%
    MEDIES 123 53 176 71% 7 3 10 91% 186 72%
    TOTAL 178 70 248 8 3 11 259  

     

     ASTURIANU 2018/19 TOTAL %  GALLEGO-ASTURIANU 2018/719 TOTAL % TOTAL AST+ GALL/AS 2018/19 % DIF.
    CURSU PASÁU
    PRIM. SECUND. PRIM. SECUND.      
    ENTERES 41 7 48 19% 1 0 1 6% 49 18% -24
    MEDIES 140 65 205 81% 12 3 15 94% 220 82% 34
    TOTAL 181 72 253 13 3 16 269   10

     

     

  • Los puestos a tiempu completu baxen en 22 places y los de media xornada aumenten en 34 en comparanza colos datos del cursu pasáu. Si estos últimos aumentaren en 44 taríemos calteniendo la mesma plantiya pero precarizando; pela cueta, lo que se demuestra ye que desapaecen puestos completos y tresformándose parcialmente en medies xornaes dando llugar, poro, a desaniciu y precarización del emplegu del profesoráu d’esta especialidá, más si se tien en cuenta que munchos son itinerantes. La precarización ye cuasi total na Enseñanza Secundaria onde de los ruinos 17 puestos a xornada completa del cursu pasáu se baxa a 7 nésti. Esta tendencia ye constante estos tres últimos años con una cayida neta de puestos añu a añu.
  • La merma de puestos nun se debe a una merma de la demanda, sinón a la política prioritaria de recorte presupuestariu saltando perriba de los derechos de la ciudadanía. En delles escueles d’Educación Infantil y Primaria onde les direcciones reclamaron el caltenimientu del puestu a tiempu completu pa poder atender a tol alumnáu nun se-yos fizo casu a la demanda.  Nos Institutos de Secundaria onde s’ufierta l’asignatura en réxime d’optatividá (contraria a la voluntariedá establecida nel artículu 4 l’Estatutu Autonomía) si hai alumnáu de tolos niveles (ESO y Bachilleratu) necesítense polo menos 11 hores llectives y polo tanto una xornada completa (una hora llectiva más de la media xornada que consta de 10 hores llectives). La Conseyería ta “planificando” sistemáticamente a la baxa les plantiyes (media xornada envede completa) asegurando que les completará si ye necesario a primeros de cursu, magar ye sabedora de que tien demanda asgaya pa cubrir places a tiempu completu y de qu’en setiembre, depués de les pruebes de recuperación, podrá haber más alumnáu. Ello tien como efectu: el desviu d’alumnáu qu’escueye asturianu a otres optatives, al prevese que nun habrá horariu asgaya del profesoráu d’Asturianu y vulneración de los derechos del profesoráu a la hora d’elexir puestu, pues vese obligao a escoyer a ciegues, al nun saber qué medies xornaes se van ampliar depués a completes.
  • Llevamos venti años ensin atender los derechos educativos llingüístos de la ciudadanía recoyíos nel artículu 10.1 la Llei d’Usu y de Promoción del bable/asturianu de 1998: “Nel exerciciu de les sos competencies, el Principáu d’Asturies ha garantizar l’enseñu del bable/asturianu en tolos niveles y graos, respetando sicasí la voluntariedá del so aprendimientu”. Nengún de los nuevos decretos d’ordenación de los currículos, hai poco aprobaos, nin planes d’estudios (Escueles Oficiales d’Idiomes, dellos de Ciclos de FP, Dirección d’arte drámaticu, Gaita dientro’l Conservatoriu Superior de Música…) recueyen el nuestru idioma y ello magar que SUATEA presentó nel Conseyu Escolar d’Asturies emmiendes pa que lu recoyeren. Magar qu’esti Conseyu aprobó hai dos meses, un ruin dictame (y a la baxa) per segunda vez sobro una propuesta de modificación del Currículu d’Educación Infantil pa incluyir les nuestres llingües, el Gobiernu entá nun lu publicó nel BOPA. Al aviesu, solo s’atiende al alumnáu de 47 centros d’Educación Infantil ya incúmplese la llei al nun ufiertar Asturianu nel restu d’estes escueles. Tampoco s’atienden les demandes de padres y madres feches nesti sen nos centros educativos, que ven cómo los sos rapacinos y rapacines nun reciben estes enseñances. Entá más, dende l’Alministración educativa infórmase nos centros que nun se puen atender estes demandes porque’l currículu d’anguañu d’E.I. nun recueye estos conteníos, eludiendo d’esta forma, el principiu de xerarquía de les lleis que marca qu’una llei (la d’Usu) ta percima d’un decretu (currículu).

P’acabar, ye menester esixir a esta Alministración educativa, y especialmente al Conseyeru d’Educación y al Director Xeneral de Planificación Llingüística qu’actúen pa reconducir esta situación y atiendan les xustes demandes que-yos plantegamos les persones, les direcciones de los centros, les organizaciones sindicales y la ciudadanía na cai.

El Secretariáu de SUATEA

N’Uviéu a 29 xunu de 2018

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743