Home > Comunicaos > La Confederación Intersindical en defensa de los Servicios Públicos

La Confederación Intersindical en defensa de los Servicios Públicos

La Confederación Intersindical esixe que la esperiencia del COVID-19 sirva para blindar unos servicios públicos gratuitos, universales y 100% públicos.

La Confederación Intersindical esixe la protección de tol personal de l’Alministración Pública que ta en primer llinia de llucha contra’l COVID-19: sanidá, dependencia, mayores y llimpieza.

La Confederación Intersindical amuésase firme no que tien de ser una llucha común para tol Estáu, la defensa d’unos Servicios Públicos gratuitos, universales y 100% públicos.

La Confederación Intersindical reclama, non solo que se recupere tolo arrebatao nesta última década, sobre too la recuperación de les 35 hores selmanales que supón la contratación de miles de persones, sinón qu’esixe dir más allá y ampliar el sector públicu hasta oldeanos, siquier, a los niveles escandinavos. Queremos recordar que llevamos más d’una década denunciando la merma nos servicios públicos, la falta de recursos humanos y materiales, la renovación necesaria de centros públicos obsoletos y la privatización de servicios esenciales. Con esta crisis sanitaria y social amuésase que’l nuesu compromisu siempres foi y va ser la defensa del estáu del bienestar que llegue a tola ciudadanía n’igualdá y equidá.

Les organizaciones ecoloxistes y la comunidá científica vienen alvirtiendo dende va años qu’una epidemia d’estes dimensiones podía dase y convertise en daqué recurrente de manera cíclica. La realidá del cambéu climáticu y d’una economía capitalista globalizada que tien como últimu oxetivu’l llogru de beneficiu a cuenta d’esquilmar el mediu natural y la vida de les persones y los derechos de trabayadores, asítianos nun escenariu nel que’l modelu económicu nel que vivimos ye insostenible y peligrosu pa la mesma supervivencia de la especie y del planeta.

Esiximos, poro, la nacionalización de los sectores estratéxicos de la economía, la xestión pública directa de los servicios públicos y tolos trabayos rellacionaos con ellos, dende llimpieza hasta xestión de residuos pasando pola xestión d’agües, comedores, atención a mayores y persones dependientes… Esiximos que’l sector priváu se ponga al serviciu del sector públicu de manera inmediata y permanente pa desenvolver una economía puesta de verdá al serviciu del interés de la mayoría social trabayadora y non de minoríes privilexaes.

La Confederación Intersindical esixe, de manera inmediata, que tolos equipos de trabayu que son primer llínea contra’l COVID-19 tean protexíos. Ye urxente que toles persones cunten col material necesario pa protexese, garantizar espacios de trabayu seguros que torguen el contaxu y tamién el respetu polos sos derechos llaborales, el derechu a la salú llaboral y el de conciliación cola vida familiar.

La Confederación Intersindical ye consciente del enorme esfuerzu que tamos faciendo, per parte de tola sociedá, pero recuerda que dalgunes de les persones que tán faciendo frente al COVID19 pertenecen a sectores descomanadamente castigaos poles midíes neolliberales y enfréntense con falta de personal y material al virus, tando al cuidu d’un sector de riesgu, como son les persones mayores y dependientes.

Esiximos el necesariu aumentu de les plantiyes de mou inmediatu y permanente, la so fayadiza protección y la garantía de qu’el so trabayu va realizar n’espacios seguros con rigorosa atención a derechos de les y los trabayadores.

La Confederación Intersindical quier recordar tamién, que precisamente quien tán más espuestes a l’andanciu son sectores feminizaos, percastigaos polos retayos y pola falta de seguridá llaboral y económica. Sanidá, llimpieza, cuidu de mayores y dependientes, supermercaos…

Trabayos feminizados que, en munchos casos, atópense externalizados y con unos salarios baxos, en comparanza con trabayos de la mesma categoría pero con mayor presencia masculina (falamos de fienda salarial).

La Confederación Intersindical exige recuperar la xestión direuta poles diferentes administraciones públiques, las midíes necesaries pa garantizar que’l trabayu se faiga de forma segura y que se tomen toles midíes necesaries pa garantizar la conciliación de la vida llaboral y familiar, porque por desgracia, siguen siendo les muyeres quien se encarguen de los cuidos también nes sos cases.


Esiximos el reconocimientu a nivel estatal del artículo 189 de la OIT sobre trabayu domésticu, pa oldear d’una vez esti trabayu col restu trabayos. Esiximos una especial atención pa quien tán faciendo llabores de cuidu na economía informal, un sector especialmente vulnerable que, además, forma parte de la rede global de cuidos, que permite que los llares d’este país y los sos miembros más vulnerables sean curiaos por muyeres migraes, en
abondos casos ensin papeles y ensin dengún tipu de seguridá nin proteición llegal.


La Confederación Intersindical quier facer un llamamientu a tola sociedá pa que reflexonemos cómo esta crisis se ta xestionando nes nueces cases, cómo la diferencia de renta fai que se pase meyor o peor esta cuarentena según el dineru que tengas, de la casa que tengas, de si hai nella llibros, accesu a internet, espacios de ociu, balcones o terraces, o ventanes que dean a un patiu interior. Nun se pue trabayar y cuidar al mesmu tiempuo. Qué sociedá ye esta que construyimos que dexa qu’haya persones ancianes soles y aisllaes, con mui pocos recursos dalgunes d’elles, otra vez principalmente muyeres. Cómo se puede trabayar y al mismu tiempu atender a fíes y fíos ensin una rede de cuidos.


La Confederación Intersindical esixe que los cuidos se pongan nel centru, que la vida se convierta no prioritario, que tengamos, de una vez, una economía pal planeta y pa les persones. Esixe que la salida d’esta crisis fortaleza l’Estáu del Bienestar que tan necesariu se ta demostrando en estos díes.


¡Defendi lo público! ¡Defendi lo de toes y toos!

Madrid 31 de marzu 2020

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344